19:13
"Zirə”nin qapıçısı Tiaqo Silvanın QOL.az saytına müsahibəsi
- Mövsümün ilk oyununda “Araz-Naxçıvan”la heç-heçə etdiniz. 1:1-lik bərabərliyi necə şərh edərdiniz?
- Çətin oyun oldu. Rəqibə nisbətən meydanda daha yaxşı idik. Qolumuzu da vura bildik. İstərdik ki, yaratdığımız qol fürsətlərindən yararlanaq. Təəssüf ki, alınmadı. Əvəzində rəqib qol vurdu. Şansları boşa verəndə nəticə belə olur.
- Həqiqətən də “Araz-Naxçıvan”la müqayisədə qol şanslarınız daha çox idi. İkinci dəfə fərqlənmək üçün nə çatışmadı?
- Qol vurmaq (gülür). Bu cür qol fürsətlərini yaradıb fərqlənə bilmirsənsə, düşünürəm ki, bunun üzərində çalışmaq lazımdır. Növbəti matçlarda da bu cür qol epizodları yaratsaq, 3-4 dəfə fərqlənmək olar.
- Qol vurduğunuz epizodda komanda yoldaşlarınız sevinərkən meydanın mərkəzinə gəldiniz və “Araz-Naxçıvan”ın hücumçusu Ba-Muaka Simakala ilə aranızda mübahisə yarandı. Rəqibi təxribata çəkirdiniz?
- Xeyr. Qətiyyən təxribatdan söhbət getmir. Sadəcə bu, mənim adətimdir. Hər dəfə qol vurduqdan sonra meydanın mərkəzinə gəlirəm. Bu, bir növ komanda yoldaşlarıma yaxın olmağım, qolu onlarla birgə qeyd etməyimdir. Rəqib futbolçularla aramızda hansısa dialoq ola bilər.
- Ümumiyyətlə, meydanda iki komanda arasında tez-tez gərginlik yaşanırdı. Bunu nə ilə əlaqələndirirsiniz? Ola bilər ki, bu, avrokuboklardakı uğursuzluqdan irəli gəlirdi?
- Öz komandamızın adından deyə bilərəm ki, bizim üçün fərqi yoxdur, rəqib “Araz-Naxçıvan”dır, yaxud “Hayduk”dur, biz çalışırıq əlimizdən gələnin ən yaxşısını edək. Rəqibin də Konfrans Liqasında çıxışı başa vurduğunu nəzərə alsaq, bu aqressiya başadüşüləndir. Oyundakı yüksək intensivliyi də nəzərə alsaq, belə halların olması normaldır.
- Bəzi komandalar mövsümün əvvəlində çempionluğa oynayacaqlarını açıqlayıblar. Bəs “Zirə”?
- Komanda şəklində hər kəs bunu istəyər. Mən 3 il əvvəl “Zirə”yə gəlmişəm və 2 dəfə gümüş medal qazanmışam. Könül istərdi ki, çempion olaq. Mən öz adımdan deyirəm, çempion olmaq istəyirəm.
- Qeyd etdiyiniz kimi, artıq 3 ildir “Zirə”dəsiniz. Seçim sizin əlinizdə olsa, daha nə qədər komandada qalmaq istərdiniz?
- Proqnoz vermək istəmirəm. Ümumiyyətlə, gələcəklə bağlı danışmağı sevmirəm. Keçmişdə baş verənlər keçmişdə qalıb, gələcək barədə danışmaq isə tez olar.
Dibala ölkəsinə qayıdır
Fati satılacaq
Birlikdə 100 qol vurdular
Alvares La Liqadan gedəcək?
"Atletiko" - "Arsenal" matçının start heyətləri açıqlandı
Muradov başladı, Cəfərli bitirdi
FİFA DÇ-2026-nın mükafat fondunu artırdı
"Şahdağ Qusar" və "Zaqatala"dan qələbə, "Şəfa" xal itirdi
Rəqibə yumruq atan futbolçu sərt cəzalandırıldı
"Qolların hamısını dəf etmək çətin idi"
4 illik diskvalifikasiya olundu
Zidanın oğlu sıradan çıxdı
Hakimi yarımfinal matçını buraxa bilər
Qapını 70 yaşlı qapıçıya həvalə edəcəklər
Türkiyə Kubokunda finalın vaxtı və yeri dəyişdi
"Neftçi" - "Qarabağ" oyununun hakimləri açıqlandı
“Qarabağ” portuqaliyalı futbolçu ilə maraqlanır
Fransa klubunda baş məşqçi ayrılığı
"Bayer"lə yeni müqavilə bağladı - Rəsmi
