18:48
“Çətin oyun olacağını bilirdik. Matça yaxşı hazırlaşmışdıq. “Zirə” son mövsümün gümüş medalçısıdır. Üstəlik, bu mövsümə də yaxşı başlayıblar. Düzgün oynadıq, baş məşqçinin verdiyi tapşırıqları yerinə yetirdik və qalib gəldik”.
QOL.az saytına açıqlamasında bu sözləri “Qarabağ”ın müdafiəçisi Toral Bayramov Misli Premyer Liqasının 5-ci turunda “Zirə”ni 3:1 hesabı ilə məğlub etdikləri oyun barədə danışarkən deyib.
O bildirib ki, Zaqreb “Dinamo”suna məğlubiyyətdən sonra bu görüşə psixoloji cəhətdən hazırlaşmaq çətin olmayıb: “Mövsüm ərzində oyunlar çox olur. Biz hər dəfə başa çatan matçı unudub, digərinə köklənirik. Çalışacağıq yolumuza davam edək”.
Matçda hesabı açan 23 yaşlı futbolçu vurduğu qolun bir qədər gözlənilməz alınması fikrinə belə münasibət bildirib: “Mən tez-tez başla qol vurmuram. Ola bilər ona görə qəribə görünsün. Fikrimcə, əla qol idi”.
Tezliklə millinin düşərgəsinə qoşulacaq T.Bayramov yeni baş məşqçi Fernandu Santuşla bağlı fikirlərini də bölüşüb: “Santuş millimizdə yenidir. Buna baxmayaraq, böyük məşqçidir, Avropa çempionudur. İnanıram ki, hər şey yaxşı olacaq. İlk toplanışımızdır. Əlimizdən gələni edəcəyik. Ola bilər yeniliklər çox olsun. İstənilən halda vəzifəmiz məşqçinin tapşırıqları yerinə yetirmək”.
“İsveç və Slokivakiya oyunlarda neçə xal qazansaq, bu, uğurlu nəticə hesab ediləcək?” sualını “Qarabağ”ın üzvü qısaca cavablandırıb: “Bu barədə oyundan sonra danışarıq”.
Millimizdə yeni məşqçi
“Nyukasl” “Qarabağ”ı ağır məğlubiyyətə uğratdı
"Nyukasl"ın hücumçusu ÇL rekordunu təkrarladı
Klublararası dünya çempionatının formatı dəyişir
"Qarabağ"da itki
"Mançester Yunayted" onu klubdan göndərir
