18:48
"Oyuna pis başladıq. İlk 10-15 dəqiqədə üstünlüyü rəqibə vermişdik. Daha sonra oyunu yaxşılaşdırdıq".
QOL.az xəbər verir ki. bu sözləri "Turan Tovuz"un baş məşqçisi Kurban Berdıyev Misli Premyer Liqasının 5-ci turunda bu gün "Səbail"ə qalib gəldikləri oyundan sonra mətbuat konfransında deyib.
Türkmənistanlı mütəxəssis 1:0 hesablı qələbəyə baxmayaraq, komandasının çıxışından razı qalmadığını bildirib: "Birdən artıq qol vura bilərdik. İkinci hissədən ümumiyətlə razı qalmadım. Həm müdafiədə, həm də hücumda zəif oynadıq. Səbəbini araşdıracağıq".
Təcrübəli mütəxəssis qeyd edib ki, nəticə önəmli olsa da, tapşırıqları düzgün yerinə yetirmək vacibdir: "İstənilən məşqçi üçün nəticə önəmlidir. Amma tapşırıqları yerinə yetirmirsənsə, nəticələr daimi olmaz. Bu gün qələbə var. Amma istədiyimiz kimi oyun olmadı. İstənilən halda qələbə qələbədir. Çünki, azarkeşlər bundan zövq alırlar".
Qeyd edək ki, 5 oyuna 4 qələbə qazanan və 1 heç-heçə edən "Turan Tovuz" 13 xalla liderliyini davam etdirir. Tovuz təmsilçisi həm də bu tura qədər qapısını toxunulmaz saxlayan yeganə komandadır.
Millimizdə yeni məşqçi
“Nyukasl” “Qarabağ”ı ağır məğlubiyyətə uğratdı
"Nyukasl"ın hücumçusu ÇL rekordunu təkrarladı
Klublararası dünya çempionatının formatı dəyişir
"Qarabağ"da itki
"Mançester Yunayted" onu klubdan göndərir
