18:48
“Düşünürəm ki, ilk oyunda xüsusi bir şey etmədik. Sadəcə, məşqdə etdiklərimizi oyunda təkrarladıq və qələbə qazandıq".
QOL.az xəbər verir ki, bu sözləri "Omoniya"nın (Kipr) futbolçusu Alfa Dionku Konfrans Liqasının pley-off mərhələsinin "Zirə"yə 6:0 hesabı ilə qalib gəldikləri ilk oyunu haqda danışarkən deyib.
Seneqalllı müdafiəçi "Omoniya" TV-yə müsahibəsində bildirib ki, ilk oyunda qeydə alınan böyükhesablı nəticəyə baxmayaraq, Bakıya da ancaq qələbə üçün gəliblər: "Yenə öz oyunumuzu oynayacağıq. Nikosiyadakı hesaba baxmamalıyıq. Bu oyunda da qalib gəlmək istəyirik. İlk oyunda etdiyimizi təkrarlamalıyıq”.
Alfa Dionku Kiprdə "Zirə"yə 6:0 hesabı ilə qalib gəlmələrinin onun üçün gözlənilməz olmadığını bildirib: "Komanda yoldaşlarımın nəyə qadir olduğunu bilirdim. "Zirə"dən əvvəlki oyunlarda da bunu göstərmişdik. Mənim üçün gözləmədiyim bir şey deyildi. Əvvəlki oyunlarda da o qədər qol şanslarımız olub, eyni üstünlüklə çıxış etmişik."Zirə" ilə görüşdə bütün şanslarından yararlandıq".
Qeyd edək ki, bu gün Mərdəkandakı "Liv Bona Dea" stadionunda keçiriləcək "Zirə" - "Omoniya" matçı saat 20:00-da başlayacaq.
Millimizdə yeni məşqçi
“Nyukasl” “Qarabağ”ı ağır məğlubiyyətə uğratdı
"Nyukasl"ın hücumçusu ÇL rekordunu təkrarladı
Klublararası dünya çempionatının formatı dəyişir
"Qarabağ"da itki
"Mançester Yunayted" onu klubdan göndərir
