Bu gün "Neftçi"nin media üzrə koordinatoru Rüstəm Əfsərlinin iştirakı ilə mətbuat konfransı təşkil olunub.
QOL.az xəbər verir ki, klub rəsmisi əvvəlcə bildirib ki, "Neftçi"nin fəaliyyətini mətbuata çatdırmaq onun vəzifə borcudur:
"Meydanda yaşananlara baş məşqçi cavab verə bilər. Ona sualları matçlardan sonra ünvanlaya bilərsiniz. Digər məsələlərlə bağlı məndə dolğun informasiya olduğu üçün cavablandıra bilərəm. Baş məşqçi nəticələrə görə cavabdehdir. Mövsümün sonundakı mümkün uğursuzluq isə hamımıza aiddir".
Klub rəsmisi vaxta ehtiyac duyduqlarını vurğulayıb: "Nəticələr ürəkaçan deyil. Bu, hamımızı narahar edir. Amma bir az vaxt lazımdır. "Sabah"la sonuncu turun matçında meydana çıxan yeni futbolçular var idi. Mənim komandadan gözləntilərim böyükdür, nikbin yanaşıram. Klubun bütün fəaliyyətinin içindəyəm. Hamı öz işini həyata keçirir. Baş məşqçimiz, demək olar ki, 24 saat çalışır. Əvvəl gördüyü işlər də göz önündədir. Onun nəyə qadir olduğunu bilirik. Ümid edirəm ki, növbəti matçlarda azarkeşlərimizi sevindirəcəyik".
R.Əfsərli təmirə bağlanan "Neftçi Arena"nın "Qarabağ"la oyuna qədər tam hazır olacağını da bildirib: "Artıq baza istifadəyə verilib. Obyektin ikinci mərtəbəsində iş gedir. Media nümayəndələrini də oraya dəvət edəcəyik. "Neftçi Arena"nın ot örtüyünün durumu qənaətbəxş deyil. Stadion AFFA-nın balansındadır. Amma biz yatırım edirik. Hazırda ot örtüyü üzərində iş gedir. Ciddi irəliləyiş var. "Qarabağ"la oyuna qədər tam hazır olacaq. 2021-ci ildən sonra yalnız kiçik bərpa işləri olub. Təbii hava keçidi arenada yaxşı deyil. Yay aylarında ot örtüyündə problemlər yaşanır".
Klub rəsmisi "Neftçi"nin özünə aid stadionunun olmasını arzuladıqlarını bildirib: "Neftçi" kimi köklü kluba özünün balansında olacaq stadion lazımdır. Amma reallıqlar var. Desək ki, 1-2 ildən sonra müasir, əla stadionumuz olacaq, doğru olmaz. Amma qlobal planlarda bu da var. Bunlar zaman alan proseslərdir. Klubda çalışan insanlar da bunu istəyir. Hamımız istəyirik ki, klubun adına, tarixinə yaraşan stadion inşa edək. Ümid edək ki, yaxın vaxtlarda bu baş verəcək".
R.Əfsərli əvəzedici heyətə göndərilən komandanın yarımmüdafiəçisi Qara Qarayevin "Neftçi"dən ayrılacağı ilə bağlı xəbərlərə də münasibət bildirib: "Qara Qarayev Azərbaycan futbolunda iz qoymuş futbolçudur, böyük xidmətləri var. Əminəm ki, bundan sonra da olacaq. Hər birimiz ona hörmət edirik. Amma baş məşqçinin seçiminə qarışmaq fikrimiz yoxdur.
O, hazırda bu məsələ ilə bağlı yenilik olmadığını vurğulayıb: "Qara Qarayevlə bağlı məsələ hələlik klubun daxilində qalsın. Elə etməliyik ki, heç bir tərəf ziyan görməsin. Danışıqlar gedir. Bu barədə ictimaiyyətə məlumat veriləcək".
R.Əfsərli heyətə yeni oyunçu cəlb edidiyini də vurğualyıb. O, futbolçunun adını açıqlamasa da, sol cinah müdafiəçisi olduğunu bildirib: "Hazırda tibbi müayinədən keçir. Bu gün və ya sabah keçid rəsmən açıqlanacaq".(report)
Qeyd edək ki, "Neftçi" Misli Premyer Liqasında 3 turdan sonra 2 xalla 7-ci pillədə qərarlaşıb.
Messi yenə məşqi buraxdı
Minimum 3 həftə oynamayacaq
Azərbaycan milliləri Olimpiadaya qələbə ilə başladı
PSJ-nin futbolçusu "Vilyarreal"a keçdi
"Liverpul"un futbolçusunun ayağı sındı
2-ci Liqada 3-cü turun oyun cədvəli açıqlandı
"Real" ukraynalı qapıçı ilə yeni müqavilə imzalayır
"Karvan" ilk oyununda qalib gəldi - Video
Azərbaycan 1-ci liqasında yeni mövsüm başladı
Ukraynalı qapıçı ölkəsindən çayı üzərək qaçdı
1-ci liqada oyunların vaxtı bilindi
Ronaldo: “Mançester Yunayted” yenidən qurulmalıdır"
"Mançester Siti"nin futbolçusu zədələndi
Azərbaycan klubu ABŞ-dan transfer etdi
Fələstinli futbolçu Qəzza zolağında öldürüldü
Mourinyodan "Qalatarsaray"la Osimhenə tikanlı sözlər
İlk tura onlar təyinat aldılar
AFFA İntizam Komitəsi qərarları açıqladı
Xəbərlərimiz daha əlçatan oldu!
"O, "Qarabağ"dan bura hazır gəlib"
Avropada bu yayın ən yaxşı 10 transferi - Siyahı