“Turan Tovuz” rəsmisi: “Berdiyevlə danışmışıq, razılıq var”

“Turan Tovuz” rəsmisi: “Berdiyevlə danışmışıq, razılıq var”
XƏBƏR 12 İyun 2024 / 13:29 2270
-  A +

“Turan Tovuz” tanınmış mütəxəssis Qurban Berdiyevlə danışıqlar apardığını təsdiqləyib.

QOL.az saytına bu barədə Tovuz klubunun idman və əməliyyatlar üzrə direktoru Səməd Nəsibov bildirib.

Klub rəsmisi qeyd edib ki, təcrübəli mütəxəssislə danışıqlar aparılsa da, hələlik rəsmi müqavilə imzalanmayıb: “Bəli, Berdiyevlə danışmışıq, prinsipdə razılıq var, lakin imza yoxdur. Bir neçə məsələ qalıb ki, onlar razılaşdırılmalıdır”.

Xatırladaq ki, Qurban Berdiyev “Taraz”, “Gənclərbirliyi”, “Kayrat”, “Rubin”, “Rostov”, “Traktor”, “Soçi” klublarının, eləcə də Türkmənistan yığmasının baş məşqçisi olub. Onun son iş yeri isə bu ilin martında ayrıldığı Mahaçqala “Dinamo”su olub.

Daha çox


Son xəbərlər