Son turda mövsümün azarkeş rekordu qeydə alındı

Son turda mövsümün azarkeş rekordu qeydə alındı
PREMYER LİQA 27 May 2024 / 15:22 3907
-  A +

Misli Premyer Liqasında 36-cı turun oyunlarını 24300 tamaşaçı izləyib.

QOL.az PFL-in saytın aistinadən xəbər verir ki, bu, mövsümün mütləq rekordudur.  Bunadək ən yüksək göstərici 32-ci tura təsadüf edib – 13800 izləyici.

Ümumilikdə isə çempionatın 180 matçında 276 min 487 seyrçi olub. Orta hesabla hər oyunu 1536 tamaşaçı izləyib.

32-ci turun “Sumqayıt” – “Qarabağ”  və 36-cı turun “Sumqayıt” – “Qəbələ” görüşlərini rekord sayda – 9300 izləyici seyr edib. 21-ci turun “Sumqayıt” – “Neftçi” qarşılaşmasında bu rəqəm 8100-ə bərabər olub.

Ən çox tamaşaçı toplayan üç oyuna “Sumqayıt” ev sahibliyi etsə də, mövsümün ən çox seyrçi toplayan komandası “Turan Tovuz” olub. Bu göstəricidə “Neftçi” üçüncüdür.

Daha çox


Son xəbərlər