Ataa Caber: "Qələbə mənim qolumdan vacibdir”

Ataa Caber: "Qələbə mənim qolumdan vacibdir”
ÖLKƏ FUTBOLU 19 May 2024 / 14:30 942
-  A +

“Oyunun əvvəlində çətinliklərimiz oldu. İkinci hissədə isə daha yaxşı oynadıq. Şükürlər olsun ki, qalib gəldik”.

Bu sözləri "Neftçi"nin futbolçusu Ataa Caber Misli Premyer Liqasının 35-ci turunda "Səbail"ə 3:0 hesabı ilə qalib gəldikləri oyundan sonra QOL.az saytına açıqlamasında deyib.

O, vurduğu qol haqda danışıb: “Gözəl qol idi, amma hər şey komanda üçündür. Vacib olan odur ki, biz qalib gəldik. Bu qələbə mənim qolumdan vacibdir”.

29 yaşlı Fələstin millisinin futbolçusu son turda “Sabah”la qarşılaşma haqda belə deyib: “Sabah” çox yaxşı komandadır. Amma biz də öz işimizə fokuslanmışıq. Hədəfimiz mövsümü turniri cədvəlinin ikinci yerində bitirməkdir. Biz buna köklənmişik və gələn oyuna qələbə üçün çıxacağıq”.

A. Caber uzunmüddətli zədədən sonra özünü yaxşı hiss etdiyini qeyd edib: “Düşünürəm ki, tam hazıram. Şadam ki, komandama qələbə qazanmaqda kömək edə bildim. Ümid edirəm ki, gələn oyunda da bunu edə biləcəm”.


Son xəbərlər