"Beşiktaş" Fernandu Santuşu istefaya göndərdi

"Beşiktaş" Fernandu Santuşu istefaya göndərdi
DÜNYA FUTBOLU 14 Aprel 2024 / 00:10 2821
-  A +

"Beşiktaş" baş məşqçisi Fernandu Santuş ilə yollarını ayırıb.

QOL.az xəbər verir ki, bu barədə İstanbul təmsilçisinin mətbuat xidməti məlumat yayıb.

Komanda mövsümün sonunadək Serdar Topraktepeyə tapşırılıb.

Beləlklə, bu ilin yanvarında "Beşiktaş"a baş məşqçi təyin edilən Santuşun Türkiyədə fəaliyyəti cəmi 3 ay çəkib.

Qeyd edək ki, 69 yaşlı portuqaliyalı mütəxəsssisin rəhbərliyi altında 7 qələbə qazanan, 4 heç-heçə edən və 5 görüşdə uduzan komanda hazırda 48 xalla 4-cü pillədə qərarlaşıb.

Santuş "Portu", PAOK, AEK, "Panatinaikos", "Sportinq", "Benfika" klublarını, həmçinin Yunanıstan, Portuqaliya və Polşa millisini də çalışdırıb. Portuqaliya millisi Santuşun rəhbərliyi alıtnda Avro-2016-nın qalibi olub.


Son xəbərlər