UEFA-da püşkatma günü

UEFA-da püşkatma günü
ÇEMPİONLAR LİQASI 15 Mart 2024 / 12:18 5176
-  A +

Bu gün futbol üzrə Avropanın üç klub turnirində 1/4 və 1/2 final mərhələlərinin püşkü atılacaq.

QOL.az xəbər verir ki, UEFA-nın İsveçrədəki qərargahında təşkil olunacaq tədbirdə əvvəlcə Çempionlar Liqasındakı cütlüklər müəyyənləşəcək. Mərasim Bakı vaxtı ilə saat 15:00-da başlanacaq. 

Qeyd edək ki, hər üç turnirdə 1/4 finalda bir ölkədən eyni komandalar, eləcə də qrupda qarşılaşmış komandalar bir-birlərini rəqib ola bilərlər. 

Çempionlar Liqasında 1/4 finala vəsiqə qazanmış komandalar:

"Arsenal" (İngiltərə)
"Atletiko" (İspaniya)
"Bavariya" (Almaniya)
"Barselona" (İspaniya)
"Borussiya" Dortmund (Almaniya)
"Mançester Siti" (İngiltərə)
"Pari Sen-Jermen" (Fransa)
"Real" (İspaniya)

1/4 final matçları 9/10 aprel və 16/17 apreldə, yarımfinal oyunları isə 30 aprel/1 may və 7/8 may tarixlərində keçiriləcək. 

Bakı vaxtı ilə saat 16:00-da isə Avropa Liqasının 1/4 və 1/2 final mərhələlərinin püşkatma mərasimi başlanacaq. 

Avropa Liqasında 1/4 finala vəsiqə qazanmış komandalar:

"Atalanta" (İtaliya)
"Roma" (İtaliya)
"Bayer" (Almaniya)
"Liverpul" (İngiltərə)
"Benfika" (Portuqaliya)
"Milan" (İtaliya)
"Olimpik Marsel" (Fransa)
"Vest Hem" (İngiltərə)

1/4 final matçları 11 aprel və 18 apreldə, yarımfinal oyunları isə 2 may və 9 may tarixlərində keçiriləcək. 

Nəhayət, Bakı vaxtı ilə saat 17:00-da isə Konfrans Liqasında 1/4 və 1/2 final mərhələlərinin püşkatma mərasiminə start veriləcək.

Konfrans Liqasında 1/4 finala vəsiqə qazanmış komandalar:

"Viktoriya" (Çexiya)
"Aston Villa" (İngiltərə)
"Brügge" (Belçika)
"Fənərbaxça" (Türkiyə)
PAOK (Yunanıstan)
"Lill" (Fransa)
"Fiorentina" (İtaliya)
"Olimpiakos" (Yunanıstan)

1/4 final matçları 11 aprel və 18 apreldə, yarımfinal oyunları isə 2 may və 9 may tarixlərində keçiriləcək. 


Son xəbərlər