Federasiya prezidenti etirazlardan sonra istefa verdi

Federasiya prezidenti etirazlardan sonra istefa verdi
DÜNYA FUTBOLU 27 Noyabr 2023 / 19:59 2135
-  A +

Bolqarıstan millisinin sabiq qapıçısı Borislav Mixaylov Bolqarıstan Futbol İttifaqının prezidenti vəzifəsindən istefa verib.

QOL.az xarici KİV-ə istinadən xəbər verir ki, noyabrın 16-da Sofiyada Bolqarıstan və Macarıstan milli komandaları arasında Avro-2024-ün seçmə turnirinin qrup mərhələsi matçı başlamazdan əvvəl 5 minə yaxın insan qurum rəhbərliyinin istefası tələbi ilə kütləvi etiraz aksiyası keçirib.

Mixaylov bu səbəbdən istefa verib: “Hamını sakitləşdirmək üçün istefa verirəm. Mən vəzifəyə qayıtdıqdan sonra quruma tənqid, böhtan və aqressiya ilə bağlı ciddi təzyiqlər oldu. Buna baxmayaraq, biz tapşırıqlarımızı qısa müddətdə başa çatdırdıq. Bəli, milli komanda yaxşı səviyyədə oyun nümayiş etdirmədi, amma məndən asılı olan hər şey edildi”.

Bolqarıstan millisi Avro-2024-ün seçmə mərhələsinin G qrupunda sonuncu - 5-ci yeri tutub.
 


Son xəbərlər
01.03.24  13:35

Sarri qovulur?

01.03.24  10:25

ETOPAZ 12 yaşında