Təsnifat mərhələsinin son oyunu: "Xəzər Lənkəran" "İnter"i məğlub etdi (YENİLƏNİB)

Bu gün Azərbaycan Premyer Liqasında təsnifat mərhələsinin axırıncı turuna yekun vurulub. Qol.Az-ın məlumatına görə, 22-ci turun son 3 oyunu arasında ən diqqətçəkəni "İnter" - "Xəzər Lənkəran" matçı olub.

Oyun Lənkəram təmsilçisinin üstünlüyü ilə keçib və onlar son ölkə çempionunu Bakıda 3:1 hesabı ilə məğlub ediblər.

Beləliklə, "Neftçi", "Xəzər Lənkəran" və "Qarabağ" final mərhələsinə liderlər qrupubda başlayacaqlar.

"Qəbələ" - "Gəncə" və "Simurq" - "Muğan" matçları ikinci "6-lıq"da mövqe mübarizəsi xarakteri daşıyıb. "Simurq" autsayderlər sırasından qurtulmaq üçün son 2 turda uduzmayan "Muğan"a mütləq qalib gəlməli idi. Amma "Muğan" oyunun son dəqiqələrində vurduğu qol sayəsində qələbə qazanıb. "Gəncə" səfərdə qarşılaşdığı "Qəbələ" ilə bərabərə qalıb.

Turun açılış oyununda isə Ağdamın “Qarabağ” klubu öz meydanında “Turan”ı qəbul edib.

Ölkə kubokunun 1/8 final mərhələsində də "Turan"la qarşılaşan "Qarabağ" həmin məğlubiyyətin əvəzini layiqincə çıxıb. Lakin Tovuz klubu da bu qələbənin təsadüfi olmadığını sübut etməyə çalışsa da, bunu bacarmayıb. İlk dəqiqələrdən üstünlüyü ələ keçirən "Qarabağ" "Turan"ı darmadağın edib - 5:1. Bu qələbə sayəsində Ağdam klubu 2 günlük də olsa turnir cədvəlinin 3-cü pilləsinə yüksəlib.
 
Əsas maraq doğuran görüşlərdən biri də "Şəfa" stadionunda baş tutub. Burada “altılığ”ın sonuncu təmsilçisinin adına aydınlıq gəlməli idi. "Bakı" klubunu AZAL-la oyunda 1 xal da qane edirdi ki, "zolaqlılar" da bu işin öhdəsindən gələrək "altılıq"dakı yerini rəsmiləşdirib. Bununla da, fevralın 27-də keçiriləcək “Qəbələ” – “Gəncə” oyunun nəticəsi "altılıq" baxımından heç bir əhəmiyyət daşımır.

Premyer Liqanın lideri “Neftçi” isə öz meydanında MOİK-i qəbul edib. Bu görüşdə "ağ-qaralar" qalib gəlməklə təsnifat mərhələsini lider kimi başa vurub.

27 fevral (bazar)

16:00."İnter" - "Xəzər Lənkəran" 1:3
Qollar: Hristu Çiaku, 8 (0:1), Adrian Pit, 19 (0:2), Uinston Parks, 50 (0:3), Girts Karlsons, 60-penalti (1:3) 
Hakimlər: Rövşən Əhmədov, Ramiz Əsədov, Munis Abdullayev, Rauf Cabbarov
AFFA nümayəndəsi: Oqtay Abdullayev
Hakim-inspektor: Məlik Həsənov
"Şəfa" stadionu.


15:00."Simurq" - "Muğan" - 0:1
Qol: Con Pelu, 82
Hakimlər: Elvin Əsgərov, Rza Məmmədov, Elşən Acalov, Vüsal Əliyev
AFFA nümayəndəsi: Maşallah Əhmədov
Hakim-inspektor: Qurban Məmmədov
Zaqatala şəhər stadionu.

14:00."Qəbələ" - "Gəncə" - 0:0
Qırmızı vərəqə: Ramal Hüseynov ("Gəncə"), 41
Hakimlər: Ramil Diniyev, Azad Ə. Hüseynov, Azad Q. Hüseynov, Rasim Məmmədov
AFFA nümayəndəsi: Adil Nadirov
Hakim-inspektor: Akif Məmmədov
Qəbələ şəhər stadionu.

25 fevral (cümə)


16:00.AZAL - "Bakı" - 0:0
Hakimlər: Elçin Məmmədov, Azər Əsgərov, Roman Vasilyev, Rəhim Həsənov
AFFA nümayəndəsi: Namiq Məstanov
Hakim-inspektor: Kərim Ağayev
"Şəfa" stadionu.

16:00."Neftçi" - MOİK - 1:0
Qol: Flavio Aleks Valensio, 40 (1:0)
Hakimlər: Ceyhun Haşımov, Yaşar Abbasov, Samir Hacıyev, Elnur Muradov
AFFA nümayəndəsi: Vaqif Davudov
Hakim-inspektor: Orucəli Durmuşov
Tofiq Bəhramov adına Respublika stadionu.

14:00."Qarabağ" - "Turan" - 5:1
Qollar: Elvin Məmmədov, 9 (1:0), Georgi Adamiya, 10 (2:0), Georgi Adamiya, 16 (3:0), Rauf Əliyev, 53 (4:0), Fərmayıl Əliyev, 57 (4:1), Admir Teli, 90 (5:1) 
Hakimlər: Əliyar Ağayev, Mehman Mahmudov, İlham Əliyev, Anar Salmanov
AFFA nümayəndəsi: Əziz Əliyev
Hakim-inspektor: Asif Namazov
Tofiq İsmayılov adına Suraxanı qəsəbə stadionu.
Oyundan əvvəl Xocalı soyqırımının qurbanlarının xatirəsi bir dəqiqəlik sükütla yad edilib.


Turnir cədvəli