Fevralın 13-də Azərbaycan Premyer Liqasında XX turun daha 3 oyunu keçirilib. Qol.Az-ın məlumatına görə, "Neftçi" və "Xəzər Lənkəran" komandaları arasındakı "böyük oyun" məhz bu günə təsadüf edib.
Hazırda turnir cədvəlinə başçılıq edən flaqman uduzsaydı, liderliyini əldən verəcəkdi. Bu səbəbdən, "Xəzər Lənkəran" ilk dövrədəki matçda olduğu kimi yenə qalib gəlməli idi. Hər iki komandanın səylərinə və yaratdıqları çoxsaylı qol imkanlarına baxmayaraq, hesab açılmadı.
Hazırda ilk 6-lıqda yer alan "Qarabağ"la "Qəbələ" arasındakı qarşılaşma da az maraq doğurmurdu. Oyun "Qəbələ"nin qələbəsi ilə yekunlaşsaydı, "Bakı"nın 6 ən güclü komanda arasına düşməsi daha da çətinləşəcəkdi. "Qarabağ" isə qələbə təqdirində ilk "6-lıq" mərhələsində mübarizəni davam etdirmək hüququ əldə edəcəkdi.
Türkiyənin "Eskişehirspor" klubu ilə müqaviləsini qarşılıqlı razılıq əsasında pozan Rəşad Sadıqov "Qarabağ"ın start heyətində meydançaya çıxıb. Ötən ilin avqustunda "Neftçi" ilə oyun zamanı ağır zədə almış Əfran İsmayılov isə uzun fasilədən sonra Ağdam komandasının 18 nəfərlik heyətində yer alıb. O, 71-ci dəqiqədə Vüqar Nadirovun əvəzinə meydançaya daxil olub. Beləliklə, istedadlı yarımmüdafiəçi 6 aydan sonra rəsmi matça çıxıb. O, oyuna girdikdən 3 dəqiqə sonra komandasının 3-cü qolunu vurub. Oyun güclü küləkli hava şəraitində keçib. Yekunda 3:0 hesablı qələbə qazanan "Qarabağ" ilk "6-lıq"da mübarizəni davam etdirmək hüququna yiyələnən 3-cü komanda olub.
Lakin Qurban Qurbanovun komandası 3-cü pillədə 2 saatdan çox qala bilməyib. Buna "İnter"in autsayderlər qrupundan qurtulmaq üçün mübarizə aparan "Simurq"u yenməsi səbəb olub. Zaqatala komandasının qapısından iki cavabsız top keçirən paytaxt klubu ilk "6-lığ"a vəsiqəni təmin edən 4-cü komanda olub. "İnter" həm də 3-cü pilləyə yüksəlib.
Dünən isə daha 3 oyun olub. Turun açılış matçında Premyer Liqanın autsayderi MOİK öz meydanında Tovuzun "Turan" klubunu qəbul edib. Türkiyəli mütəxəssis Naci Şensoyun yenidən "Turan" klubuna qayıdışı uğurlu alınıb. MOİK-lə oyunda xoş təsir bağışlayan Naci Şensoyun komandası bu qarşılaşmadan 2:0 hesablı qələbə ilə ayrılıb.
Paytaxtın digər klubu AZAL isə bu tur "Gəncə"ni qonaq edib. Gəncəlilər "altılığ"a düşmək şansını itirsələr də, onların istənilən rəqibə qarşı ciddi müqavimət göstərəcəyi əvvəlcədən bəlli idi. Bu görüşdə hər 2 tərəfin səylərinə baxmayaraq oyunda hesab açılmayıb - 0:0. Nazim Süleymanovun komandası bu nəticə ilə vacib 2 xal itirib. "Gəncə" isə ilk "6-lıq"dan əlini tam üzüb.
Günün ən maraq doğuran qarşılaşması isə "Bakı" ilə "Muğan" arasında keçirilib. Salyan təmsilçisinin "altılığ"a düşmək şansı qalmasa da, bu nöqteyi nəzərdən qarşılaşma "Bakı" üçün olduqca vacib idi. Lakin latviyalı məşqçi Aleksandr Starkovun "Bakı"da ilk debütü uğursuz alınıb. Paytaxt klubu bu görüşdə 2 vacib xal itirməklə "altılığ"a düşmək yolunda ağır zərbə alıb. "Bakı" ilk yarıda üstün futbol nümayiş etdirməsinə baxmayaraq, ikinci hissənin əvvəlində qapısından qol buraxıb. Bundan sonra paytaxt klubu rəqibin müqavimətini qıra bilməyib və oyun 1:1 hesablı heç-heçə ilə nəticələnib.
Beləliklə, ilk "6-lıq"da mübarizə aparacaq 4 klub məlumdur. Bunlar "Neftçi", "Xəzər Lənkəran", "İnter" və "Qarabağ"dır. Daha 2 vəsiqəyə isə 3 komanda - AZAL, "Qəbələ" və "Bakı" iddialıdır.
13 fevral (bazar)
18:00."Neftçi" - "Xəzər Lənkəran" - 0:0
Hakimlər: Vüsal Əliyev, Elman Musayev, Vaqif Musayev, Əliyar Ağayev
Tofiq Bəhramov adına Respublika stadionu.
Oyun ötən il fevralın 11-də "Neftçi"nin faciəli şəkildə dünyasını dəyişmiş əməkdaşları Alim Məmmədov və Vahid Həmidovun xatirəsinə 1 dəqiqəlik sükutla başlayır. Flaqman meydançaya "Neftçi" sizi unutmayacaq" yazılan bannerlə çıxır. 79-cu dəqiqədə iki komandanın futbolçuları arasında gərgin anlar yaşanır. Buna Elnur Abdullayevin Denis Silvaya qarşı sərt oyunu səbəb olur. Silva Abdullayevin üzərinə yeriyir. Hər iki komandanın digər futbolçuları da özlərini insident məkanına yetirir. Kamran Ağayevin xüsusi fəallığından sonra ara sakitləşir. Hakim isə Denis Silva və Elnur Abdullayevə sarı vərəqə göstərir.
14:00."Qarabağ" - "Qəbələ" - 3:0
Qollar: Rauf Əliyev, 14. Georgi Adamiya, 63. Əfran İsmayılov, 74
Hakimlər: Elçin Məmmədov, Roman Vasilyev, Mehman Mahmudov, Rauf Cabbarov
Tofiq İsmayılov adına Suraxanı qəsəbə stadionu.
16:00."İnter" - "Simurq" - 2:0
Qollar: Rövşən Əmiraslanov, 25. Danildo Assioli, 68
Hakimlər: Rövşən Əhmədov, Elşən Acalov, Rza Məmmədov, Fuad Həsənov
"Şəfa" stadionu.
12 fevral (şənbə)
18:30."Bakı" - "Muğan" - 1:1
Qollar: Əziz Quliyev, 5 (1:0), Elşən Məmmədov, 47 (1:1)
Hakimlər: Anar Salmanov, Azər Əsgərov, Mübariz Haşımov, Elvin Əsgərov
Tofiq Bəhramov adına Respublika stadionu.
13:30.MOİK - "Turan" - 0:2
Qollar: Georgi Çediya, 26 (0:1), Yasin Abbasov, 66 (0:2)
Hakimlər: Ramil Diniyev, Azad Q. Hüseynov, Habil Əliyev, Feyzulla Feyzullayev
"Bakı" FK-nın təlim-məşq bazasının stadionu.
15:00.AZAL - "Gəncə" - 0:0
Hakimlər: Elnur Muradov, Ramiz Əsədov, Munis Abdullayev, Əfqan Həmzəyev
"Şəfa" stadionu.
Turnir cədvəli
№ |
Komanda |
O |
Q |
H |
M |
T-F |
Xal |
1 |
"Neftçi" |
20 |
12 |
6 |
2 |
36 - 9 |
42 |
2 |
"Xəzər Lənkəran" |
20 |
12 |
5 |
3 |
23 - 10 |
41 |
3 |
"İnter" |
20 |
11 |
4 |
5 |
19 - 13 |
37 |
4 |
"Qarabağ" |
20 |
11 |
3 |
6 |
24 - 12 |
36 |
5 |
AZAL |
20 |
9 |
8 |
3 |
26 - 14 |
35 |
6 |
"Qəbələ" |
20 |
8 |
6 |
6 |
19 - 13 |
30 |
7 |
"Bakı" |
20 |
8 |
5 |
7 |
27 - 21 |
29 |
8 |
"Gəncə" |
20 |
5 |
8 |
7 |
23 - 26 |
23 |
9 |
"Muğan" |
20 |
5 |
6 |
9 |
12 - 23 |
21 |
10 |
"Turan" |
20 |
3 |
6 |
11 |
16- 28 |
15 |
11 |
"Simurq" |
20 |
2 |
6 |
12 |
12 - 30 |
12 |
12 |
MOİK |
20 |
1 |
3 |
16 |
17 - 38 |
6 |
Ozan Can üçün 5 dəqiqə
"Borussiya"dan darmadağın
Diniyev ehtiyatda qaldı, komandası heç-heçə etdi
"Real"ın məğlubiyyətindən - Video
PSJ çempionluğunu təmin etdi
Vinisius penaltini qaçırdı, "Valensiya" qalib gəldi
Bayılda qol vurulmadı - Video
"Komandada rəqabət yüksəkdir" - Kurban Berdıyev
"Səbail" "Turan Tovuz"la bərabərə qaldı
Foden De Brüynenin açıqlamasına reaksiya verdi
"Barselona" itkisi ilə bağlı açıqlama yaydı
Mahirin komandasından böyükhesablı məğlubiyyət
"İdmanda xüsusi istedada malik olan şagirdlərimiz az deyil"
"Səbail" - "Turan Tovuz": Heyətlər
Krivotsyukun komandası uduzdu
Çempionlar Liqası oyununu buraxacaq
La Liqa prezidenti "Barselona"ya verilən cavabdan narazıdır
"Milan"ın idman direktoru olmağa əsas namizədər
Erməni qəzeti “Qarabağ”ın vurduğu qolu paylaşdı
Trentə daha bir əvəzləyici tapdılar
Böyük dövr başa çatır - Müller açıqladı
Mbappe: "İspaniyada insanlar mənə kömək edirlər"
"Real"ın Rüdiger qərarı
Mourinyo "Fənərbaxça"dan ayrılıb millini çalışdıra bilər
“Turan Tovuz”un Kürdəxanıdakı bazasından son görüntü - Video
De Brüyne ABŞ-a gedəcək, yoxsa Səudiyyə Ərəbistanına?
Ronaldo qollarını 931-ə yüksəltdi
İsgəndərli ehtiyatda qaldı, komandası uduzdu
“Bavariya”dan əzmkar qələbə
Superliqada 30-cu tur start götürdü - Video
"Real" Alonso ilə razılaşmadı
Misli Premyer Liqasında 29-cu turun hakimləri
Təbriz komandası İran çempionluğuna doğru inamla irəliləyir
Azərbaycan millisi Litvaya qalib gəldi - Yenilənib
İstanbul prokurorluğu Mourinyo haqda qərar verdi
"Şamaxı"da yeni müqavilə - Rəsmi