"Napoli" - "Ayntraxt" oyunundan əvvəlki iğtişaşlara görə 7 nəfər həbs edildi

"Napoli" - "Ayntraxt" oyunundan əvvəlki iğtişaşlara görə 7 nəfər həbs edildi
ÇEMPİONLAR LİQASI 16 Mart 2023 / 14:41 666
-  A +

Çempionlar Liqasının 1/8 finalında "Napoli" - "Ayntraxt" cavab görüşündən əvvəl qonaq komandanın azarkeşləri tərəfindən iğtişaşlar törədilib.

Qol.az ANSA-ya istinadən xəbər verir ki, matçdan öncə İtaliya Daxili İşlər Nazirliyi təhlükəsizlik səbəbindən Frankfurt təmsilçisinin fanatlarına bilet satışını qadağan edib. Buna baxmayaraq, "Ayntraxt"ın 600-ə yaxın azarkeşi Neapol şəhərinə gəlib. Daha sonra onlar icazəsiz şəkildə şəhərin məkrəzində yürüyüşə çıxıblar. Azarkeşlər Gesu meydanına çatanda onları müşaiyət edən təhlükəsizlik işçilərinə məşəl, partlayıcı maddə, daş və ətrafdakı restoranların oturacaqları ilə hücum ediblər. 

Bu hadisələrə görə 7 nəfər həbs olunub. Bildirilir ki, həbs olunanların sayı daha da arta bilər.

Qeyd edək ki, "Napoli" ötən gecə "Ayntraxt"a 3:0 hesabı ilə qalib gəlib. Bu komandalar arasında ilk oyunda da İtaliya təmsilçisi qələbə qazanıb - 2:0. İki oyunun cəmində "Napoli" 1/4 finala adlayıb.

Yeniliklərdən daha tez xəbər tutmaq üçün bizi Feysbukda da izləyin

Daha çox


Son xəbərlər
03.03.24  20:18

Avro-2024-ü buraxacaq