Ter Ştegen Avropada birincidir

Ter Ştegen Avropada birincidir
DÜNYA FUTBOLU 24 Yanvar 2023 / 18:08 2495
-  A +

“Barselona”nın qapıçısı Mark-Andre ter Ştegen qapıçı qurtarışları faizinə görə Avropanın TOP-5 liqalarında liderlik edir.

Qol.az "Opta"ya istinadən xəbər verir ki, alman qolkper bu mövsümdə İspaniya La Liqasında zərbələrin 84,6 faizində komandasını xilas edib.

Fransanın “Reyms” klubunun qapıçı Yevann Diuf bu göstəricidə (83,9%) 2-cidir. Nik Poup (“Nyukasl”, İngiltərə – 82,3%) 3-cü, Jeronimo Ruli (“Vilyarreal”, İspaniya – 82,1%) və Kepa Arrisabalaqa (“Çelsi”, İngiltərə – 82%) növbəti pillələrdə qərarlaşıb. Siyahıya bu mövsüm ən azı 25 qurtarış edən qapıçılar salınıb.

Qeyd edək ki, “Barselona” La Liqada keçirdiyi 17 oyundan 13-də qol buraxmayıb və qapısında cəmi 6 top görüb. Bu, Avropanın aparıcı çempionatlarında ən yaxşı göstəricidir.


Son xəbərlər
27.03.24  21:58

Keyn sağaldı