"Sürix"lə ilk oyunu buraxacaq - "Qarabağ"dan açıqlama

"Sürix"lə ilk oyunu buraxacaq - "Qarabağ"dan açıqlama
XƏBƏR 15 İyul 2022 / 16:13 12079
-  A +

"Qarabağ"ın zədəli futbolçusu Qara Qarayevin durumuna aydınlıq gəlib. 

Bu barədə Qol.az saytına açıqlamasında klubun mətbuat xidmətinin rəhbəri Gündüz Abbaszadə məlumat verib. O, bildirib ki, 29 yaşlı yarımmüdafiəçinin əzələsində 1-ci dərəcəli dartılma aşkarlanıb və futbolçu Çempionlar Liqasının 2-ci təsnifat mərhələsində "Sürix"lə ilk oyunda meydana çıxmayacaq: 

"Qara Qarayev bu gün MRT müayinəsindən keçdi. Onda 1-ci dərəcəli əzələ dartılması aşkarlanıb. Yaxın bir neçə gün ərzində bərpa prosesi keçəcək. Bundan sonra tam şəkildə deyil, tədricən komanda ilə məşqlərə başlayacaq. "Sürix"lə ilk matçı buraxacaq".

Qara Qarayev Çempionlar Liqasının 1-ci təsnifat mərhələsində "Lex"lə cavab oyununda da (5:1) iştirak etməmişdi.

Qeyd edək ki, "Qarabağ"la "Sürix" arasında ilk matç iyulun 19-da Tofiq Bəhramov adına Respublika Stadionunda keçiriləcək. Cavab oyunu isə iyulun 27-si İsveçrədə olacaq.

Daha çox


Qarabağ FK
Son xəbərlər
18.11.26  12:30

"Real"dan gedəcək?

topaz banner