"Püşkatma bizi rahatlaşdırmır. Qalib olsaq da, ilk mərhələdə ən çətin rəqiblərdən Polşa çempionu ilə qarşılaşdıq. İkinci mərhələdə isə "Sürix"lə üz-üzə gələcəyik. “Lex” yaxşı komandadır, amma iki oyunda biz nə qədər yaxşı olduğumuzu göstərdik. 5:1 hesabı əla nəticədir. 20-ci saniyədə qapımızda qol görsək də, planlaşdırdığımız kimi oynadıq. Daha çox qol vura bilərdik. İlk matçda 0:1 hesabı ilə məğlub olsaq da, daha güclü olduğumuzu görmüşdük".
Qol.az xəbər verir ki, bu sözləri "Qarabağ"ın xorvatiyalı futbolçusu Filip Ozobiç Çempionlar Liqasının 1-ci təsnifat mərhələsində "Lex"ə 5:1 hesabı ilə cavab görüşü barədə ölkəsinin mətbuatına danışarkən deyib.
"Onların yaxşı oyunçuları var, amma oyuna nəzarət edən biz idik. Nəzərə çarpacaq dərəcədə keyfiyyətli oyun nümayiş etdirdik. Tofiq Bəhramov adına Respublika Stadionu demək olar ki, dolu idi, otuz min nəfər bizi alqışlayırdı. Atmosfer çox yaxşı idi, azarkeşlər gördüklərindən razı qaldılar. Biz oyunçulara gəlincə, böyük bayram olmadı, restoranda şam yeməyi yedik və yatdıq" - deyə o bildirib.
30 yaşlı yarımmüdafiəçi heç kimdən qorxmadıqlarını vurğulayıb: "Yaxşı futbol göstərmək istəyirik və özümüzə inanırıq. "Sürix"lə hələ görüşməmişik. Amma aydındır ki, kim düşsə, onu da məğlub etməliyik".
O, millimizin üzvü Mahir Emrelinin də çıxış etdiyi Xorvatiya "Dinamo"su (Zaqreb) ı ilə qarşılaşmaq ehtimalından danışıb: "Dinamo"ya qarşı oynamaqdan məmnun olardım. Amma bu, Çempionlar Liqasının qrup mərhələsində olsaydı, daha yaxşı olardı. Onlara qarşı oynamaq maraqlıdır. "Dinamo" hər il yaxşı nəticələr əldə edir. Bizimlə qarşılaşsalar, şübhəsiz ki, favorit olacaqlar. Amma bu barədə danışmayaq".
Gələn ilin yayı klubla müqaviləsi başa çatacaq Ozobiç gələcəyi ilə bağlı danışmağın tez olduğuu deyib: "Hələlik sağlamam və qalan hər şey tədricən gələcək. "Böyük beşlik"də özümü sınamaq istərdim, amma "Qarabağ" mənim üçün əladır. Bir ildən sonra nələrin olacağını demək hələlik tezdir".
Futbolçu bildirib ki, bu mövsüm üçün minimum planları UEFA-nın istənilən turnirlərindən birinin qrup mərhələsinə vəsiqə qazanmaqdır: "Aydındır ki, bu turnirin Çempionlar Liqasının olmasını istərdik. Mən "Qarabağ"a gələnə qədər klub Çempionlar Liqasının qrup mərhələsində bir mövsüm oynayıb. Rəqiblər “Roma”, “Çelsi” və “Atletiko” idi. Komanda Madrid təmsilçisi ilə iki heç-heçə edib. Özüm də 18 yaşımda ikən əvvəllər Rusiya "Spartak"ında ikən Çempionlar Liqasında oynamışam. Amma arzumu komandanın əsas oyunçularından biri kimi həyata keçirmək istəyirəm".
PSJ-dən Markinyos qərarı
Cəzalı olsa da, millinin toplanışını yarımçıq qoymadı
İlin ən yaxşı klubuna namizədlər bilindi
Bellinqemin “Real”dan tələbləri var
Qvardiolanı ABŞ millisinə dəvət etdi
“Qarabağ” Qazaxıstan klubu ilə qarşılaşdı
Premyer Liqada hakimlər 6 səhv qərar verdi
“Arsenal” onların müqaviləsini yeniləyir
“Mançester Yunayted” FİFA-ya şikayət etməyə hazırlaşır
Kompani yenidən iş başında
“Qalatasaray” azarkeşlərə təzminat ödəyə bilər
DÇ-2030-da məcburi su fasilələri olacaq?
2-ci liqada 11 oyunun saatı açıqlandı
Azərbaycan cüdoçularının DÇ-dəki ilk rəqibləri məlum oldu
Azərbaycan millisi FİFA reytinqində 3 pillə irəlilədi
Onana "Aston Villa"da qalacaq
"Real" Arda Gülerlə müqaviləni uzatdı - Rəsmi
Xuan Mata karyerasını başa vurdu
“Qarabağ” və “Zirə”nin futbolçuları qələbədə iştirak etdilər
İsa Sülimanın komandası Hindistana məğlub oldu
"Real"dan gedəcək?
Harri Keyn Millətlər Liqasının bombardiri oldu
“Qarabağ”ın qapıçısı oynadı, komandası qalib gəldi
"Zirə"nin futbolçusu millidə zədələndi
Argentinadan 7:0-lıq qələbə