"Reytinq göstəricisində biz favoritik, amma bunu meydanda da göstərməliyik. Qrup lideri olmaq və elit-raunda vəsiqə qazanmaq istəyirik".
Qol.az xəbər verir ki, bu sözləri futzal üzrə Azərbaycan millisinin qapıçısı Rövşən Hüseynli 2024-cü il dünya çempionatının seçmə mərhələsinin püşkünü dəyərləndirərkən deyib.
31 yaşlı qolkiper ilk olaraq Yunanıstan yığması barədə danışıb: "Bu ölkənin futzalçıları ilə son illərdə tez-tez üz-üzə gəlirik. AEK klubu ilə, eləcə də Yunanıstan millisi ilə qarşılaşmışıq. Oyunlar həm bizim, həm də rəqibin meydanında baş tutub. Onlarla görüşün favoriti Azərbaycan millisi hesab edilir. Əgər fors-major hadisə baş verməzsə, biz hər iki matçda qələbə qazanmalıyıq".
Hüseynli Polşa seçməsinin son illərdə inkişafda olduğunu vurğulayıb: "Son Avropa çempionatına da vəsiqə qazanıblar. 4 il əvvəlki qitə birinciliyinin də iştirakçısı olublar. Niderlandda Rusiya - Polşa matçını izləmişdik".
"Araz Naxçıvan" klubunun üzvü UEFA Çempionlar Liqasındakı şanslarından da söz açıb: "Mostar" oyunları doğma meydanda, Bosniya və Herseqovinada keçirəcək. Bu, onlar üçün üstünlükdür. Komandanın bir neçə üzvü ölkəsinin millisində çıxış edir. Hansı ki, həmin yığma ilə son Avropa çempionatında üz-üzə gəlmiş, qələbə qazanmışdıq. Səhv etmirəmsə, “Mostar”la da görüşmüşük. Digər iki komanda D və F qrupunun qalibi olacaq. D qrupuna diqqət yetirsək, yeganə vəsiqə uğrunda Serbiya və İsveçrə çempionları mübarizə aparacaq. F qrupuna gəldikdə, Gürcüstan və Almaniya təmsilçilərinin mübarizəsi maraqlı olacaq. Gürcüstan futzalı da son illərdə inkişafdadır. “Georgians” klubunun heyətində vaxtilə bizim çempionatda iştirak etmiş futzalçılar da yer alıb. Almaniyada da bu idman oyunu sürətlə inkişaf edir. “Ştutqard” reytinq cədvəlində irəliləyib.
Ötən il “Uraqan”a uduzmaqla mübarizəni dayandırdıq, amma bu dəfə fərqli nəticə ilə azarkeşlərimizi sevindirmək istəyirik. Hazırda heyətin gücləndirilməsi istiqamətində işlər gedir. Verilən tapşırığı maksimum dərəcədə icra etməyə çalışacağıq. Çünki Çempionlar Liqasında daha yaxşı nəticə qazanmaq istəyirik".
Qeyd edək ki, "Araz-Naxçıvan" B yolunun 5-ci qrupunda "Mostar" (Bosniya və Herseqovina), həmçinin, ilkin mərhələnin D və F qruplarının qalibləri ilə görüşəcək. Qrupdan elit-raunda yalnız ilk pillənin sahibi vəsiqə qazanacaq. Əsas mərhələnin oyunları 25 - 30 oktyabrda Bosniya və Herseqovinada keçiriləcək.
PSJ-dən Markinyos qərarı
Cəzalı olsa da, millinin toplanışını yarımçıq qoymadı
İlin ən yaxşı klubuna namizədlər bilindi
Bellinqemin “Real”dan tələbləri var
Qvardiolanı ABŞ millisinə dəvət etdi
“Qarabağ” Qazaxıstan klubu ilə qarşılaşdı
Premyer Liqada hakimlər 6 səhv qərar verdi
“Arsenal” onların müqaviləsini yeniləyir
“Mançester Yunayted” FİFA-ya şikayət etməyə hazırlaşır
Kompani yenidən iş başında
“Qalatasaray” azarkeşlərə təzminat ödəyə bilər
DÇ-2030-da məcburi su fasilələri olacaq?
2-ci liqada 11 oyunun saatı açıqlandı
Azərbaycan cüdoçularının DÇ-dəki ilk rəqibləri məlum oldu
Azərbaycan millisi FİFA reytinqində 3 pillə irəlilədi
Onana "Aston Villa"da qalacaq
"Real" Arda Gülerlə müqaviləni uzatdı - Rəsmi
Xuan Mata karyerasını başa vurdu
“Qarabağ” və “Zirə”nin futbolçuları qələbədə iştirak etdilər
İsa Sülimanın komandası Hindistana məğlub oldu
"Real"dan gedəcək?
Harri Keyn Millətlər Liqasının bombardiri oldu
“Qarabağ”ın qapıçısı oynadı, komandası qalib gəldi
"Zirə"nin futbolçusu millidə zədələndi