Qol.az-ın əməkdaşı şahmat turnirinin qalibi oldu - Şəkillər

Qol.az-ın əməkdaşı şahmat turnirinin qalibi oldu - Şəkillər
ŞAHMAT 28 May 2022 / 18:03 1187
-  A +

Bu gün Azərbaycan İdman Jurnalistləri Assosiasiyasının və  "Məmmədyarovlar" şahmat klubunun birgə təşkilatçılığı ilə media nümayəndələri arasında Ümumilli Lider Heydər Əliyevin xatirəsinə və 28 may Müstəqillik gününə həsr olunmuş ənənəvi şahmat turniri keçirilib.

Qol.az xəbər verir ki, "Məmmədyarovlar" şahmat məktəbində təşkil olunan blits turnir 9 turdan ibarət dairəvi sistemlə keçirilib. Yekunda 8.5 xal toplayan Qol.az saytının təmsilçisi Aysel Adıgözəlli çempionluğa yiyələnib. AzərTac-dan Ramiz Quliyev 8 xalla ikinci, ATV-dən İlkin Xəlilov 6.5 xalla üçüncü yeri tutublar.

Sonda qaliblərə AİJA prezidenti Eldar İsmayılov, turnirin direktoru, qadınlar arasında beynəlxalq dərəcəli qrossmeyster Zeynəb Məmmədyarova və baş hakim Fidan Talıbova tərəfindən kuboklar, diplomlar və pul mükafatları təqdim edilib.






Səhifənin yuxarısına keçidYuxarı

Daha çox


Son xəbərlər