Xəbər verdiyimiz kimi, “Qarabağ”ın baş məşqçisi Qurban Qurbanov Azərbaycan Premyer Liqasında əvəzetmə sayının 5-ə qaldırılması ilə bağlı növbəti dəfə fikirlər səsləndirib. Təcrübəli çalışdırıcı mövzu haqqında AFFA Klublar Komitəsinə müraciət etdiyini deyib.
O, dünən “Səbail”lə Premyer Liqa oyunundan sonra keçirilən mətbuat konfransında deyib: "Ən əsası odur ki, Klublar Komitəsi özü öz işindən razıdır. Mən quruma müraciət etmişdim. Amma belə fikirlər oldu ki, biz yalnız "Qarabağ"ı düşünürük. Elə mövzudur ki, çox danışmaq olar. Amma fikir bildirəndə ətrafında daha geniş müzakirələr olur. Sanki biz özümüzü fikirləşmişdik. Başa düşürəm, nizamnamə qəbul olunmuşdu. Amma bəzi ölkələrdə vəziyyətə uyğun dəyişiklik edildi. Əvvəl deyildi ki, baxılacaq. Amma sonra sərt reaksiya gəldi ki, sonadək belə qalacaq. Bundan sonra heç müzakirəyə də çıxarılmadı. Sözümüzün ucuz olmasını istəmirik. Çox söz demək olar. Amma əməl olunmursa, ciddiyə alınmırsa, mənasızdır. Sərt cavab bizim üçün xoş deyil. Ona görə də belə fikirləri boş vermək lazımdır. Klublarda çalışan baş məşqçilər hamısı mənim dostum-qardaşımdır. Çoxu "Qarabağ"dan gedənlərdir. Hər zaman onların yanında olmaq istəmişəm. Belə fikirləşirlərsə, yəqin, daha dərindən düşünüblər. Mən ortaya adi söz atmamışam. Kifayət qədər ciddi məsələdir"
Qol.az saytı bu məsələ ilə əlaqədar mütəxəssislərin fikirlərini öyrənib. Tanınmış futbol meneceri Səbuhi Səfiyarlı çempionatda əvəzetmə sayının artırılmasının müzakirəyə çıxarılmasının önəmini qeyd edib:
“Gərək, bunu klub rəhbərləri, baş məşqçilər, AFFA-dakı səlahiyyətli şəxslər oturub, fikirləşsinlər. Onlar analizlər etməli, müzakirələr aparmalıdırlar. “Qarabağ”, “Neftçi” kimi klublara əvəzetmə sayının artırılması çox lazımdır. Çünki onların futbolçu sayı çoxdur. Amma “Qəbələ” kimi klublara əvəzetmə sayının artırılması maraqlı deyil. Çünki onların nə qədər futbolçusu var ki, 5 dəfə əvəzetmə də həyata keçirsin. Lakin ümumilikdə fikirləşəndə mən də düşünürəm ki, bizim Premyer Liqada da əvəzetmə sayı artırılmalıdır. Baxın, xarici ölkələrdə artıq bunu reallaşdırırlar. Əgər futbolun bu cür inkişaf etdiyi ölkələrdə əvəzetmə sayı artırılırsa, deməli, pis bir şey deyil və bizə də lazımdır. Məsələn, velosipedi ikinci dəfə kəşf etməyə ehtiyac yoxdur ki. Bu artıq kəşf olunub da. Elə əvəzetmə məsələsi də belədir. Dünyada sınanılıb. Əvəzetmə sayının artırılması pandemiya vaxtı geniş yayıldı. UEFA-nın bayrağı altında keçirilən yarışlarda da 5 əvəzetməyə icazə verilib. Çünki futbolçuların fiziki hazırlığı yüksək səviyyədə deyildi. Yəni, əksəriyyəti 90 dəqiqə tam oynaya bilməzdi. Lakin oyunun sürətini yüksək səviyyədə saxlamaq lazımdır. Ona görə də 5 əvəzetməyə icazə verildi. Hələ pandemiya başa çatmayıb deyə bu qayda qüvvədə qalır. Düşünürəm ki, heç pandemiya qurtardıqdan sonra da əvəzetmə sayı azaldılmayacaq. Müasir dövrdə futbol çox inkişaf edib, sürətlənib. Futbolçular 90 dəqiqə müddətində belə təzyiqlə oynaya bilməzlər. Əslində bu məsələni biz və ya sırf Qurban Qurbanov müzakirəyə çıxarmalı deyil. Əvəzetmə sayının artırılmasını AFFA düşünməli, araşdırmalıdır. 1-2 adam ilə heç nə düzəlmir. Klub rəhbərlərinin, baş məşqçilərin hamısının bir-bir fikri soruşulmalıdır. Onlar əsaslandırmalıdırlar ki, əvəzetmə sayının artırılmasını niyə istəyirlər və ya niyə istəmirlər. Məsələyə mütləq PFL və AFFA reaksiya verməlidir. Mən bu fikirdə mənfi tərəfin olduğunu düşünmürəm. Amma klubların fikri soruşulmalıdır. Həmçinin əvəzetmə sayı artırılan halda daha çox futbolçu meydana çıxmaq şansı qazanacaq. Əvəzetmə sayının artırılması “Qarabağ”a daha çox lazımdır. Çünki oyunun sürətini saxlaya biləcək, daha çox təzyiq göstərəcək. Bu isə bizim digər klublarımıza sərf etmir. Bunu da AFFA müzakirəyə çıxarmalıdır. Digər klublar da əgər əvəzetmə sayının artırılmasını istəmirlərsə, əsaslandırmalıdırlar ki, “Qarabağ” tempi yüksək saxlayır deyə biz etiraz edirik. Bu səbəb də gülməli səslənir. Yəni, ortada rəsmi açıqlama olmalıdır. Millinin baş məşqçisi də bu mövzu ilə əlaqədar fikirlər səsləndirilməlidir. Lazım gəlsə, limitlər də qoyulmalıdır. Məsələn, 5 əvəzetmədən 2-si 21 yaşlı futbolçulardan olsun. 5 əvəzetmə sayı pandemiya ilə əlaqədardırsa, kubok oyunlarında əlavə vaxtda 4-cü əvəzetməyə icazə verilməsi futbolçuların yorulması ilə bağlıdır. Artıq futbol çox inkişaf edir”.
Futbol eksperti Emin Abbasov Qurban Qurbanovun məntiqli fikir irəli sürdüyünü bildirərək onu dəstəkləyib:
“Qurban Qurbanov bu illər ərzində xeyli təcrübə toplayıb, bir çox Avropa klublarının iş metodikasına yaxından bələddir. Onun kimi futbolu dərindən bilən adam heç vaxt məntiqsiz, futbolumuz üçün lazımsız fikir ortaya atmaz. Avrokubok oyunlarında məhz 5 əvəzetmə sayı tətbiq olunur. Hər halda lüzum olmasaydı, nə UEFA, nə də əksər ölkələr buna gedərdi. Son zamanlar bu qənaətə gəlmişəm ki, Qurban Qurbanovdan həm də idarəçi, bir futbol funksioneri kimi də yararlanmaq barədə düşünməliyik. Onun dediklərinə daha həssas, daha diqqətlə yanaşmalıyıq. Klubların bu fikri niyə dəstəkləmədiyinə gəlincə, hərənin futbola və məsələlərə öz baxışının olması normaldır. Lakin Azərbaycan futbolunda danışan Qurban Qurbanovdursa, onun fikirlərini dəstəkləsək, futbolumuz bundan yalnız xeyir görər”.
Nuriyə ZEYNALOVA
"Real"dan qələbə
Şahruddinin komandası "Qalatasaray"a uduzdu
"Əl-Hilal" ardıcıl 21-ci qələbəsini qazandı
"Mingəçevir" 3 xalı bu cür qazandı - Video
"Liverpul" 48 saat ərzində yeni baş məşqçisini açıqlayacaq
Hidayət Heydərov 4-cü dəfə Avropa çempionu oldu
Şamaxıda vurulan baxımlı qollar - Video
PSJ hücumçusunu satdı
"Şamaxı" və "Mingəçevir"dən qələbə
Azərbaycan U-18 millisinin heyəti açıqlandı
İspaniya futbolunun yeni rəhbəri müəyyənləşdi
“Barselona” De Yonqu satacaq
Finalın nominal meydan sahibi və başlanma saatı bilindi
Azərbaycan millisinin üzvü Macarıstanda bürünc medal qazandı
Aksel Vitsellə müqavilə uzadılır
“Ağdaş”ın baş məşqçisinə 5 oyunluq cəza
AFFA İntizam Komitəsi qərarları açıqladı
AFFA "Neftçi"nin şikayətini təmin etmədi
De Brüynedən baxımlı qol - Video
Mahir Emrelidən Azərbaycan cüdoçularına dəstək
"Karvan" səfərdə 4 qol vurdu - Video
Azərbaycan idmançısından Portuqaliyada üçüncü medal
“Mançester Siti” darmadağınla ikinci pillədə
Azərbaycan millisindən 2 bürünc medal - Avropa çempionatı
Musa Qurbanlının komandası yenə uduzdu
PSJ prezidenti: "Super Liqa mənim üçün mövcud deyil"
Muslera milli karyerasını başa vurdu
Azərbaycan boksçusundan bürünc medal - Avropa çempionatı
Şahmat üzrə Azərbaycan çempionu bəlli oldu
“Sabah” bölgələrdə seçimlərə başlayacaq
Futzal üzrə Azərbaycan kubokunda finalçılar müəyyənləşdi
Azərbaycan cüdoçusu Avropa çempionatının finalında uduzdu
"Sabah" Gənclər Liqasının qalibi oldu
"Karvan" və "İmişli"dən qələbə, lider xal itirdi
Azərbaycanın U-17 millisi Özbəkistana uduzdu
Əliyar Ağayev Fatih Terimin komandasının oyununda
Xavi qərarını niyə dəyişdi?
La Liqanın bəzi oyunları ABŞ-da keçiriləcək
PSJ-nin prezidenti "Qarabağ"ı təbrik etdi - Video, Şəkillər
İstanbul derbisinin hakimi bilindi
Hakimi təhqir etdiyi üçün cəzalandırıldı
"Qəbələ"nin futbolçusu əməliyyat olundu