Futbolda Mozambikdən də geri düşdük

Futbolda Mozambikdən də geri düşdük
ÖLKƏ FUTBOLU 16 Sentyabr 2021 / 12:26 3573
-  A +

Azərbaycan millisinin DÇ-2022-nin seçmə mərhələsindəki uğursuz çıxışı komandamızın FİFA reytinqindəki mövqeyinə də mənfi təsir etməkdədir.

Qol.az xəbər verir ki, bu gün açıqlanan yeni siyahıda millimiz 5 pillə geriləyərək 117-ci yerə düşüb (210 komanda arasında). Diqqətçəkən məqam odur ki, reytinqdə futbol ənənəsi olmayan ölkələr belə bizi qabaqlayıb. Məsələn, Mozambik 116-cı, Malavi 115-ci, Farer adaları 114-cü, Zimbabve 113-cü, Madaqaskar 100-cü, Fələstin 99-cu yerdə qərarlaşıb. Millimizlə eyni qrupda yer almış Lüksemburq isə 2 pillə irəliləyərək 94-cü yerə yüksəlib.

Qeyd edək ki, millimiz hazırkı göstərici ilə keçmiş SSRİ-nin 15 ölkəsi arasında isə 9-cu yeri tutur. Həmin ölkələrdən ən yaxşı göstərici Ukraynaya məxsusdur – 27-ci yer. Ümumilikdə, keçmiş SSRİ ölkələrinin reytinq sıralaması aşağıdakı kimidir:

27. Ukrayna
37. Rusiya
84. Özbəkistan
89. Ermənistan
90. Belarus
96. Gürcüstan
98. Qırğızıstan
111. Estoniya
117. Azərbaycan
118. Tacikistan
120. Qazaxıstan
130. Türkmənistan
135. Latviya
137. Litva
180. Moldova

Əlavə edək ki, milli komandamız hazırda DÇ-2022-nin seçmə qrupunda 1 xalla sonuncu yeri tutur.  

 

Daha çox


Son xəbərlər