Bu gün Unibank Premyer Liqasında 9-cu turun oyunlarına start veriləcək. Qol.Az-ın məlumatına görə, ilk oyun günündə keçiriləcək 3 oyunla millimizin AÇ-2012-nin seçmə mərhələsi çərçivəsindəki çıxışıyla əlaqədar yaranmış 2 həftəlik fasilə başa çatmış olacaq. Turun 3 qarşılaşması paytaxtda baş tutacaqsa, qalan 3 oyun da bölgələrdə keçiriləcək.
Hesabat turuna Qəbələdə eyniadlı yerli komandayla “Muğan” arasındakı matçla start veriləcək. Turnir cədvəlində qonşu olan tərəflərin dueli gərgin mübarizə vəd edir. İlk 3 oyununda məğlub olmasına baxmayaraq, sonradan qələbələri sıralamağa başlayan Toni Adamslı “Qəbələ” növbəti 3 xalını qazanmaqla, ilk “altılığ”a düşməyə yaxındır. Salyan klubu isə əksinə, mövsümə yaxşı başlamasına rəğmən, son oyunlarda “Neftçi” və “İnter”ə uduzduqdan sonra iddialılar arasındakı mövqeyini əldən verdi. İndi Almir Hurtiçin komandası çətin səfər matçında növbəti qələbəsini qazanmaqla, 1 xal geri qaldığı rəqibini qabaqlamağı və uğursuzluğa son qoymaq iddiasındadır.
Günün ikinci oyununda isə AZAL-la “İnter” üz-üzə gələcək ki, bu matç həm də turun mərkəzi qarşılaşması hesab olunur. “Şəfa” stadionundan istifadə edən hər iki klub üçün meydan amili o qədər də əhəmiyyət kəsb etməsə də, nominal meydan sahibi qismində “təyyarəçilər” mübarizə aparacaq. Baxmayaraq ki, bu stadion “İnter”in balansındadır. “Qəbələ”ylə “Muğan” kimi, bu iki komanda da turnir cədvəlində qonşudur. Baş məşqçisi Kaxaber Sxadadzenin hələ də cəzalı olduğu son ölkə çempionu növbəti 3 xala sahib çıxmaqla, liderlər qrupundakı mövqeyini möhkəmləndirmək istəyirsə, Nazim Süleymanovun komandası da bu rəqibini qabaqlamağı hədəfləyir.
Günün son oyunu isə “Bakı”yla MOİK arasında baş tutacaq. Son oyunlarda özünə gəlməyə başlayan Vinfrid Şeferin komandası bu dəfə də 3 xala rahat sahib çıxmalıdır. Axı son oyunlarını bir qayda olaraq böyükhesablı yenilgilərlə üzləşən “hərbçilər” ötən tur “Gəncə”yə 5 cavabsız qolla uduzmuşdu. Bu məntiqlə iddialı son ölkə kubokunun sahibinin də sürprizlə üzləşməyəcəyini proqnozlaşdırmaq mümkündür. “Gəncə”ylə oyundan sonra istefa qərarını açıqlayan, lakin rəhbərliyin, getməsinə icazə vermədiyi Ramil Əliyevin komandasının isə bu oyunda da özünə gəlməsi inandırıcı görünmür.
Hesabat turuna sabah keçiriləcək oyunlarla yekun vurulacaq. Turnir cədvəlində ilk iki pillənin sahibi olan “Xəzər Lənkəran”la “Neftçi” qərb təmsilçiləriylə səfər oyununa çıxacaq. Son turda xal itkisiylə üzləşərək vahid liderliyi əldən verən Lənkəran klubu “Gəncə”nin, yenidən zirvədə qərarlaşan “ağ-qaralar” isə “Turan”ın qonağı olacaq. Bütün Azərbaycan çempionatlarının iştirakçıları olan Bakı və Tovuz klublarının bu dəfəki duelində Arif Əsədovun komandasının liderliyini qorumaq şansları daha yüksəkdir. Axı baş məşqçi dəyişikliyinə məruz qalan Tovuz təmsilçisi yeni heyət formalaşdırmaqdadır və onların özlərinə gəlməsi üçün müəyyən zamana ehtiyac var. “Neftçi”ylə müqayisədə “Xəzər Lənkəran”ın işi daha çətin görünür. Axı Fuad İsmayılovun çalışdırdığı “Gəncə” son turlarda inamlı təsir bağışlamaqdadı. Lakin cari mövsümdə ilk qolunu ötən tur buraxan Mirça Rednikin komandasının da xal itirəcəyinə inananlar azdır. Düzdür, “ağ-yaşıllar”ın əsas qapıçısı Kamran Ağayev elə ilk qolunu buraxdığı “Bakı”yla qarşılaşmaya görə, 4 oyunluq cəzalandırıldığından, sabahkı oyunda iştirak edə bilməyəcək. Ancaq istənilən halda Gəncədə çox gərgin mübarizənin şahidi olacağımız dəqiqdir.
Nəhayət 9-cu turun qapanış oyununda “Qarabağ”la “Simurq” öz aralarındakı münasibətlərə aydınlıq gətirəcəklər. Qyoko Haciyevskinin gənclərdən qurduğu Zaqatala təmsilçisi hələ də qələbə üzünə həsrətdir. Lakin “Simurq”un bu uğursuz seriyaya güclü rəqibiylə qarşılaşmada son qoymaq şansları aşağıdır. Hər halda əvvəlki mövsümlərlə müqayisədə xeyli zəifləyən meydan sahiblərinin əslən Zaqataladan olan Qurban Qurbanovun komandası üçün ciddi başağrı olacağı gözlənilmir.
Unibank Premyer Liqası
9-cu tur
16 oktyabr (şənbə)
"Qəbələ" - "Muğan"
Hakimlər: Elçin Məmmədov, Mehman Mahmudov, Mübariz Haşımov, Fuad Həsənov.
AFFA nümayəndəsi: Eldar Qasımov.
Hakim-inspektor: Şahin Cəfərov.
Qəbələ. Şəhər stadionu. Saat 15:00.
AZAL - "İnter"
Hakimlər: Fariz Yusifov, Elman Musayev, Aleksandr Musatkin, Alik Yunusov.
AFFA nümayəndəsi: Əziz Əliyev.
Hakim-inspektor: Asif Namazov.
Bakı. "Şəfa" stadionu. Saat 16:30.
"Bakı" - MOİK
Hakimlər: Ramil Diniyev, Azad Q. Hüseynov, Rza Məmmədov, Feyzulla Feyzullayev.
AFFA nümayəndəsi: Sakin Məmmədzadə.
Hakim-inspektor: Nüvər Xasıyev.
Bakı. Tofiq Bəhramov adına Respublika stadionu. Saat 18:00.
17 oktyabr (bazar)
"Turan" - "Neftçi"
Hakimlər: Ceyhun Haşımov, Ramiz Əsədov, İlham Əliyev, Tahir Əhmədov.
AFFA nümayəndəsi: Mübariz Hüseynov.
Hakim-inspektor: Orucəli Durmuşov.
Tovuz. Şəhər stadionu. Saat 15:00.
"Gəncə" - "Xəzər Lənkəran"
Hakimlər: Vüsal Əliyev, Munis Abdullayev, Eldar Nağıbəyov, Hacıəli Ağayev.
AFFA nümayəndəsi: Məmmədəli Məmmədov.
Hakim-inspektor: Səfər Haşımov.
Gəncə. Şəhər stadionu. Saat 15:00.
"Qarabağ" - "Simurq"
Hakimlər: Elvin Əsgərov, Roman Vasilyev, Elşən Durmuşov, Əfqan Həmzəyev.
AFFA nümayəndəsi: Vaqif Davudov.
Hakim-inspektor: Murad Məmmədov.
T.Bəhramov adına Respublika stadionu. Saat 15:20.
1 | "Neftçi" | 8 | 6 | 1 | 1 | 15-2 | 19 |
2 | "Xəzər Lənkəran" | 8 | 5 | 3 | 0 | 9-1 | 18 |
3 | "İnter" | 8 | 5 | 1 | 2 | 7-3 | 16 |
4 | AZAL | 8 | 4 | 2 | 2 | 9-6 | 14 |
5 | "Qarabağ" | 7 | 3 | 2 | 2 | 7-4 | 11 |
6 | "Gəncə" | 8 | 2 | 5 | 1 | 11-8 | 11 |
7 | "Qəbələ" | 8 | 3 | 1 | 4 | 6-7 | 10 |
8 | "Muğan" | 8 | 2 | 3 | 3 | 6-7 | 9 |
9 | "Bakı" | 7 | 2 | 3 | 2 | 10-9 | 9 |
10 | MOİK | 8 | 1 | 1 | 6 | 3-18 | 4 |
11 | "Turan" | 8 | 0 | 3 | 5 | 5-13 | 3 |
12 | "Simurq" | 8 | 0 | 3 | 5 | 5-15 | 3 |
Ozan Can üçün 5 dəqiqə
"Borussiya"dan darmadağın
Diniyev ehtiyatda qaldı, komandası heç-heçə etdi
"Real"ın məğlubiyyətindən - Video
PSJ çempionluğunu təmin etdi
Vinisius penaltini qaçırdı, "Valensiya" qalib gəldi
Bayılda qol vurulmadı - Video
"Komandada rəqabət yüksəkdir" - Kurban Berdıyev
"Səbail" "Turan Tovuz"la bərabərə qaldı
Foden De Brüynenin açıqlamasına reaksiya verdi
"Barselona" itkisi ilə bağlı açıqlama yaydı
Mahirin komandasından böyükhesablı məğlubiyyət
"İdmanda xüsusi istedada malik olan şagirdlərimiz az deyil"
"Səbail" - "Turan Tovuz": Heyətlər
Krivotsyukun komandası uduzdu
Çempionlar Liqası oyununu buraxacaq
La Liqa prezidenti "Barselona"ya verilən cavabdan narazıdır
"Milan"ın idman direktoru olmağa əsas namizədər
Erməni qəzeti “Qarabağ”ın vurduğu qolu paylaşdı
Trentə daha bir əvəzləyici tapdılar
Böyük dövr başa çatır - Müller açıqladı
Mbappe: "İspaniyada insanlar mənə kömək edirlər"
"Real"ın Rüdiger qərarı
Mourinyo "Fənərbaxça"dan ayrılıb millini çalışdıra bilər
“Turan Tovuz”un Kürdəxanıdakı bazasından son görüntü - Video
De Brüyne ABŞ-a gedəcək, yoxsa Səudiyyə Ərəbistanına?
Ronaldo qollarını 931-ə yüksəltdi
İsgəndərli ehtiyatda qaldı, komandası uduzdu
“Bavariya”dan əzmkar qələbə
Superliqada 30-cu tur start götürdü - Video
"Real" Alonso ilə razılaşmadı
Misli Premyer Liqasında 29-cu turun hakimləri
Təbriz komandası İran çempionluğuna doğru inamla irəliləyir
Azərbaycan millisi Litvaya qalib gəldi - Yenilənib
İstanbul prokurorluğu Mourinyo haqda qərar verdi
"Şamaxı"da yeni müqavilə - Rəsmi