09:00
Azərbaycan futbolunun dayaqlarından hesab olunan «Turan» klubu tarixinin ən ağır dövrünü yaşayır. Maddi sıxıntıdan qurtula bilməyən «Turan» dağılmaq təhlükəsiylə üzləşib. Futbolçularına maaş verməkdə problemlərlə üzləşən klubu demək olar ki, bütün gəlmə oyunçular tərk edib. MOİK, «Bakılı» və «Muğan»la bir yerdə güclülər dəstəsini tərk etməyə əsas namizədlərdən sayılan kluba son anda əslən Tovuzdan olan futbolçular komək etmək qərarına gəlib. «Turan»ı birinci dəstəyə düşməkdən xilas etmək üçün Tovuza qayıdan oyunçulardan Nadir Nəbiyev və Vüsal Qarayev birinci dövrədə qol vurmaqda çətinlik çəkən komandanın bu problemini həll etmək qabiliyyətindədirlər. Milli komandamızın və «Neftçi»nin keçmiş oyunçusu Ruslan Abbasovsa şübhəsiz müdafiənin liderinə çevriləcək. Yarımmüdafiə xətti isə milli komandamızın keçmiş üzvü Vüsal Hüseynovla güclənəcək. Komandanın birinci dövrədəki kapitanı, olimpiya millimizin üzvü Vurğun Hüseynovu MOİK heyətinə qatmaq istəsə də, tovuzlular onu da ən azı mövsümün sonunacan düşərgələrində saxlaya bilib. Komandanın əsəs itkisi kimi isə MOİK-ə keçən universal futbolçu Cavid Abbasovu göstərmək olar. Amma gənc futbolçunun əvəzində MOİK-dən alınan Mustafa Əsədovun təcrübəsi kluba xeyir verə bilər. Son günlər gəzən söhbətlərə gorə, «Bakı»nın əsas heyətinə düşməkdə çətinlik çəkən və sıralarında Ramazan Abbasov, Elnur Abdullayev kimi adların olduğu bir neçə futbolçunun da mövsümün sonunacan «Turan»a icarəyə veriləcəyi gözlənilir.
Bir vaxtlar Gəncə və Sumqayıtla bir yerdə Azərbaycan futbolunun üç əsas futbolçu yetişdirən şəhərlərindən sonuncusunun da futbolsuz qalmayacağına inanmaq istəyirik. Futbolumuzun əsas ümidlərindən biri Elvin Məmmədov kimi istedad Tovuz futbolunun ən çətin günlərində yetişibsə, Rəşad Sadıqovla Romal Hüseynov «Turan»da tanınıbsa, nəyə görə Azərbaycan futboluna heç bir xeyir verməyən, lazımsız legionerlərə milyonlarla avro xərcləyən «İnter» kimi klublar yaşamalı, «Turan» və «Turan»ın timsalında futbolumuzun beşiklərindən olan Tovuz, Gəncə, Sumqayıt, Mingəçevir futbolu məhv olmalıdır? Axı, niyə Nadir Nəbiyev, Ruslan Abbasov kimi futbolçular sadəcə mənəvi keyfiyyətlərə gorə havayı futbol oynamalı, çimərliklərdən, həvəskar liqalardan gələn dırnaqarası əcnəbi futbolçulara isə dünyanın heç bir yerində heç bir vaxt verilməyən pullar küllənməlidir?
Bu, Azərbaycan futbolunun inkişaf perspektivləri haqda bir daha düşünmək və bədbinliyə qapılmaq üçün daha bir ağrılı mövzudur…
KAMAL
Azərbaycan komandası Aktauda birinci yeri tutdu
“Seltik” Robertson üçün hərəkətə keçdi
Uzunmüddətli zədədən sonra məşqlərə qayıtdı
“Bavariya” “Milan”ın 33 illik rekordunu geridə qoydu
Azərbaycanın paragüllə atıcısı dünya kubokunda üçüncü oldu
“Yuventus”un hücumçusu Premyer Liqa klublarının hədəfində
“Liverpul”un uzunmüddətli müqavilə planı
Ərdoğan o hakimlər haqda istintaqdan danışdı
Vlahoviç: “Özümü komandanın lideri kimi hiss etmirəm”
Serbiya millisində yeni baş məşqçi
“Barselona” Osimhenlə maraqlanır
U-17 millimiz Moldova ilə heç-heçə etdi
Amorim, Arteta, Emeri, İraola
"Liverpul"dan daha bir antirekord
Arzusu gerçəkləşdi - Şəkillər
AFFA 9 komandaya texniki məğlubiyyət verdi
PSJ-nin futbolçusu sıradan çıxdı
Futbolumuzun yeni qoleadoru?..
"Kəpəz"ə 10 min cərimə, futbolçusuna 4 oyunluq cəza
İngiltərə futbolunda yeni rekord
Eks "Qarabağ"lı istefa verdi
AFFA rəsmisindən mübahisəli epizodlara şərh - Video
MEDİA jurnalistlər üçün müsabiqə elan edib
2-ci liqada 18 oyunun vaxtı açıqlandı
"Yuventus"un qələbəsiz oyunlar seriyası bitdi - Video
“Sumqayıt” 50-yə çatdı
"Kəpəz"in Azərbaycan kubokunda yubiley qolu
Slot uğursuzluqlarından danışdı
“Liverpul”dan biabırçı göstərici
