Uels millisinin baş məşqçisi: "Daha çox azarkeşin olmasını istəyirəm"

Uels millisinin baş məşqçisi: "Daha çox azarkeşin olmasını istəyirəm"
AVRO-2020 12 İyun 2021 / 20:24 1571
-  A +

"Matça yaxşı başladıq. Qol vurduğumuza görə sevinirəm və göstərdikləri oyuna görə futbolçulara minnətdaram".

Bu fikirləri Uels millisinin baş məşqçisi Robert Peyc Bakıda İsveçrə yığması ilə 1:1 hesablı heç-heçə etdikləri Avropa çempionatının qrup mərhələsinin oyunu barədə danışarkən deyib.

Mütəxəssis Bakı Olimpiya Stadionunda istədikləri qədər azarkeş görmədiklərini bildirib: "Ancaq onların himni oxuduğunu eşitdim. Biz qol vuranda da fanatlar əla idilər. Təbii ki, daha çox azarkeşin stadionda olmasını istəyirəm".

Qeyd edək ki, təqvimə əsasən, Bakı Olimpiya Stadionu A qrupunun İsveçrə - Uels matçı ilə yanaşı, Türkiyə - Uels və Türkiyə - İsveçrə qarşılaşmalarına, eləcə də 1/4 final mərhələsinin 1 oyununa ev sahibliyi edəcək (Report).

Daha çox


Son xəbərlər