Mariya Stadnik qızıl medal qazandı

Mariya Stadnik qızıl medal qazandı
XƏBƏR 10 İyun 2021 / 20:40 3660
-  A +

Polşanın paxtaxtı Varşavadakı güləş üzrə "Poland Open" turniri davam edir.

Qol.az xəbər verir ki, bu gün mübarizəyə başlayan idmançılar arasında Azərbaycan təmsilçisi Mariya Stadnik də olub.

50 kq çəki dərəcəsində çıxış edən güləşçimiz əvvəlcə Emiliya Alina Vuk (Rumıniya) ilə qarşılaşıb və görüşdən qələbə ilə ayrılıb. Stadnikin növbəti rəqibi ABŞ-dan Erin Qolston olub. Təmsilçimiz Qolstonu adlayaraq, yarımfinala vəsiqə qazanıb. Bu mərhələdə isə Stadnik Mariya Tiumerekovanı (Rusiya) məğlub edib və finala yüksəlib.

Axşam seansında qızıl medal üzrə görüşə çıxan idmançımız Ukrayna təmsilçisi Oksana Livaçla qarşılaşıb. Rəqibinə 9:4 hesabı ilə qalib gələn Stadnik qızıl medal qazanıb.

Qeyd edək ki, daha əvvəl sərbəst güləşçilərdən Hacı Əliyev (70 kq) və Hacımurad Hacıyev (74 kq) bürünc medal qazanıb.

 

Daha çox


Son xəbərlər
12.06.21  19:27

Xoş gəldin, qardaş!

12.06.21  18:49

Bakıda ilk VAR

12.06.21  15:23

"Bavariya"dan ayrılır