"Komandamda soyuqqanlılıq çatışmır" - Elmar Baxşıyev

"Komandamda soyuqqanlılıq çatışmır" - <b style="color:red"> Elmar Baxşıyev</b>
ÖLKƏ FUTBOLU 22 Noyabr 2020 / 18:40 749
-  A +

“Torpaqlarımızı qaytardığımız üçün xalqımızı təbrik edirəm. Oyunun çətin olacağını bilirdik. “Neftçi” yaxşı futbolçulardan təşkilatlanmış komandadır. Oyuna ciddi hazırlaşmışdıq. Planlaşdırdıqlarımızın üzərində çalışmışdıq və bu meydanda da alınırdı".

Qol.az xəbər verir ki, bu sözləri "Qəbələ"nin baş məşqçisi Elmar Baxşıyev Premyer Liqanın 10-cu turunda evdə "Neftçi"yə uduzduqları oyundan sonra keçirilən mətbuat konfransında deyib.

O, 1:4 hesablı məğlubiyyəti belə şərh edib: "Komandamız meydanda hər şey göstərir, lakin qollar, soyuqqanlılıq çatışmır. Qol vurmayanda rəqib cəzalandırır. İlk yarıda epizodlar yaradırıq, yararlana bilmirik, rəqib isə yarım epizodu dəyərləndirir. Sonra oyunun axarını dəyişmək çətin olur. Ağır məğlubiyyət alsaq da, istədiyimi futbolçulardan görürəm. Hücum futbolu oynayır, epizodlar yaradır, son nöqtəni qoymaqda çətinlik çəkirik. Birinci dövrədə də “Neftçi” ilə görüş ağır keçmişdi. Heyətimizə baxanda oyunun nəticəsini dəyişə biləcək keyfiyyətli oyunçular var. Üzərimizə düşəni artıqlaması ilə edib bunu aradan qaldırmağa çalışacağıq.

Komandama çox irad bildirə bilmirəm. Bəzi epizodlardakı boşluqları rəqib dəyərləndirir. Fərdi səhvləri düzəltmək asandır, komanda oyununda dəyişiləsi heç nə yoxdur. Komanda şəklində uduzmuşuq, ayrı-ayrı futbolçuları fərqləndirməzdim. Qalib gələndə də, heç-heçə edəndə də bu kollektiv hesabında olur. İnanıram ki, uğur gətirə bilərik. Ümumi götürəndə bütün turlarda “Qəbələ” kiminlə oynasa da 5-6 epizod yaradır. Bu komandanı hücumda görürəm”.
 

Daha çox


Son xəbərlər
27.11.20  18:51

Ronaldo oynamayacaq

27.11.20  17:46

"Traktor" uduzdu

26.11.20  15:37

Noyerdən yeni rekord