02.05.24
Azərbaycan yığmasının baş məşqçisi Berti Foqtsun müsahibəsi
- Küveytlə oyuna hazırlıqla bağlı nə deyə bilərsiniz?
- Dünən cəmi bir məşq keçdik. “Qarabağ”ın futbolçuları yorğun görünürdü. Bugünkü məşqdə daha yaxşı təsir bağışladılar. Sabah mən yaxşı oyun tələb edəcəyəm. Futbolçuların da özlərini yaxşı tərəfdən göstərəcəyinə inanıram. Çox şadam ki, “Qarabağ” Avropa Liqasının pley-off mərhələsinə vəsiqə qazanıb və Dortmund “Borussiya”sı kimi komanda ilə qarşılaşacaq. Küveytlə oyuna gəldikdə, bu matç qrup mərhələsi çərçivəsində Almaniyaya qarşı keçirəcəyimiz oyun öncəsi sonuncu yoxlama görüşüdür. Sentyabrın 7-də dünyanın ən güclü yığmalarından birinə qarşı oynayacağımızı bilirik. Oyunçular həvəslə məşq edirlər.
- “Qarabağ”ın oyun qrafikinin sıx olduğu bir vaxtda, onların futbolçularını yığmaya çağırmaq vacib idi?
- Onlar peşəkar futbolçulardır və hazırlıq prosesinə çağırılmaları normaldır. Neft işçisi gündə 8 saat işlədiyi kimi, futbolçu da hər gün 3-4 saat məşq etməlidir. Bu sənəti futbolçular seçiblər. Yenə deyirəm, təcrübə toplamaq baxımından “Qarabağ”ın pley-off mərhələsinə vəsiqə qazanması çox vacibdir. İstərdim ki, “İnter” Çempionlar Liqasında, “Bakı” və “Xəzər-Lənkəran” isə Avropa Liqasında mübarizəni davam etdirsinlər. Onlar beynəlxalq oyunlarda başqa cür çıxış edirlər. Xarici klublara diqqət yetirsək, onlar 3 gündən bir oyuna çıxırlar. Biz də onlar kimi futbolçularıq. Ona görə də yorğunluqla bağlı dediyiniz arqumenti başa düşə bilmirəm. Almaniya Bundesliqasında komandalar cümə axşamı Avropa Liqasında çıxış edir, həftəsonu isə daxili yarışlarda gücünü sınayır.
- Ötən həftə də millinin təlim-məşq toplanışı oldu. Hazırlığın yığma üçün nə kimi faydası oldu?
- Yaxşı olardı ki, həmin toplanışda komandanın bütün üzvləri iştirak edəydi. Ancaq komanda tam şəkildə hazırlıq keçə bilmədi.
- Sentyabrda Almaniya kimi güclü komanda ilə qarşılaşacaq yığmamızın elə də güclü olmayan Küveytlə üz-üzə gəlməsi nə dərəcədə düzgündür?
- Biz İngiltərə ilə qarşılaşmaq istəyirik. Həm də hansısa komanda ilə danışıq apararkən bir oyunun səfərdə, digər matçın isə evdə keçirilməsi barədə razılığa gəlinir. Biz ötən il Küveytdə oynamışıq. Ona görə də onları qəbul etməliyik.
- Ötən toplanışa Fabio Luis Ramim, Vurğun Hüseynov kimi oyunçuları dəvət etsəniz də, bu gün onları görmürük. Səbəb nədir?
- Adlarını çəkdiyiniz futbolçulardan başqa da, aramızda olmayanlar var. Biz Almaniyaya 18-20 futbolçu ilə yollanacağıq. Ona görə də toplanışa bu qədər futbolçu çağırmağı məqsədə uyğun hesab etdim.
- Vinfrid Şefer “Borussiya”nın zəif cəhətləri barədə ölkə mətbuatına fikirlərini açıqlayıb. Bəs siz rəqibin zəif cəhətləri barədə hansı fikirləri səsləndirə bilərsiniz?
- O, mənim dostumdur, 8 il bir komandada oynamışıq. Şafer bunu açıqlasa da, mən suala cavab vermək istəmirəm. Onu deyə bilərəm ki, “Borussiya” güclü komandadır. “Qarabağ”ın əsas rəqibi “Borussiya” yox, 70-80 min azarkeş olacaq. Bu gün “Borussiya”nın heyətində yer alan futbolçulardan heç biri Almaniya yığmasında çıxış etmir. (apasport.az)
_22.01.19.jpg)
"Bayer" qarşısıalınmazdır
"Qalatasaray" "Sivasspor"a 6 qol vurdu
“Sabah” bəxt sayəsində qalib gəldi” – Elmar Baxşıyev
Ayaz Quliyevin möhtəşəm qolu, "Sabah"ın qələbəsi - Video
"Sabah" irəlilədi, "Zirə" yenidən 2-ci pillədə
Tovuzda vurulan qollar - Video
Rəşad Sadlqov qələbəni şərh etdi
Musanın komandasından qələbə
"Araz-Naxçıvan" - "Sabah": Heyətlər
Azərbaycan millisinin üzvü Ukraynada növbəti oyuna çıxdı
"Jirona"ya məğlubiyyət Laportanı qəzəbləndirib
"Bavariya"nın futbolçusu "Real"la oyunu buraxacaq
Tovuzda heyətlər açıqlandı
Qvardiola: "Biz çempion olacağıq"
"Çelsi" Osimhen üçün 90 milyon avro təklif etdi
Messidən MLS rekordu
Rahilin komandası aşağı liqaya düşdü
"Deyiləcək söz yoxdur" - "Neftçi"nin qapıçısı
"Qarabağ" Nərimanla müqaviləni uzatdı
Ardıcıl 5-ci dəfə İspaniya çempionu oldular
"İnter"i 29 oyundan sonra məğlub edən tapıldı - Video
Suaresdən het-trik, Messidən 5 qol ötürməsi
22 il sonra Premyer Liqaya yüksəldilər
"İnter"in 29 oyunluq seriyası qırıldı
"Bavariya" uduzdu, "Borussiya"dan darmadağın
"Mançester Siti" və "Nyukasl" qalib gəldi
"Neftçi"yə qarşı hamı istəkli oynayır" - Qurban Qurbanov
