07.04.26
Peşəkar Futbol Liqasının prezidenti Ramin Musayev birinci divizionda 28 nəfərin danışılmış oyunda iştirakına görə futboldan uzaqlaşdırılmasına münasibət bildirib.
Çempionatı təşkil edən qurumun rəhbəri məsələ ilə bağlı Qol.az-ın suallarını cavablandırıb.
- Birinci divizionda baş verənlərlə bağlı nə deyə bilərsiniz?
- Rövnəq Abdullayev xeyli vaxtdır göstəriş vermişdi ki, bu işlə məşğul olun. Necə ki, bir ağacı qurd yeyir və ağac yanı üstə aşır. Biz də araşdırırdıq ki, görək futbolu kim bu günə qoyur. Sağ olsunlar, hüquq-mühafizə orqanları öz köməklərini əsirgəmədilər. Hər biri öz günahını etiraf etdi. Bugünkü qərara əsasən onlar futboldan uzaqlaşdırılır.
- Öz günahlarını etiraf ediblərsə, deməli, onları bir daha futbolda görməyəcəyik?
- İnşallah ki, görməyəcəyik. Mən həmin insanlarla nəinki futbolda, heç həyatda da görüşmək istəmərəm. Çünki onlar tək özlərini yox, orada çalışan məşqçi heyətini, gənc futbolçuları pis yola çəkib. Bu, Azərbaycan futboluna qarşı namərdlikdir.
- Danışılmış oyunlarla bağlı araşdırmalar davam edir? Daha bir neçə adın açıqlanacağı mümkündür?
- Mümkün deyil demək düzgün çıxmaz. Əgər bunlar üzə çıxıbsa, deməli, onların qol-qanadları da olacaq. Sözsüz ki, sona qədər mübarizə aparılacaq.
- Maraqlıdır, niyə bu cür hallar birinci divizionda baş verir?
- Bu maraqlı olsa da, sevindirici haldır ki, belə hadisələr Premyer Liqada yox, birinci divizionda baş verir. Ona görə sevindirici hal deyirəm ki, əgər bu cür olay Premyer Liqada olsaydı, bu daha böyük biabırçılıq olardı. Belə davam etsəydi, özəyi gəlib Premyer Liqaya çıxacaqdı. Amma sağ olsunlar ki, bunun qarşısını vaxtında ala bildilər. Sizin sayt vasitəsilə hüquq-mühafizə orqanlarına PFL-in prezidenti olaraq öz adımdan minnətdarlığımı bildirirəm.
14 illik həsrət bitdi
65 il sonra qayıtdılar
“Liverpul” "təmizləmə" işləri aparacaq
Mirça Luçesku vəfat etdi
Bu dəfə planşeti Ayxan Abbasov qırdı - Video
"Əgər qərar verirsənsə, VAR-a baxmalısan"
Azərbaycan millisindən ardıcıl ikinci qələbə
Misli Premyer Liqasında 26-cı tur yekunlaşdı
“Beşiktaş”ın futbolçusu sıradan çıxdı
Luçesku əməliyyat oluna bilməyəcək
Qırmızı vərəqə, "Zirə"nin qaçırdığı penalti - Video
"4-5 top fərqi ilə udacağımız oyunda heç-heçə etdik"
"Turan Tovuz"un xal itkisi - Video
"Zirə" kimi komandadan xal qazanmaq uğurdur" - Ayxan Abbasov
