02.05.24
Avropa Liqasının ikinci təsnifat mərhələsində «Bakı» Çernoqoriyanın «Budoçnost» klubuna hər iki oyunda qalib gəlsə də, UEFA-nın verdiyi texniki məğlubiyyətə görə yarışlardan kənarda qaldı. Bundan sonra klub prezidenti Hafiz Məmmədov hadisədə günahkar olan şəxsləri istefa verməyə çağırdı. H.Məmmədovun bu çağırışına ilk olaraq klubun türkiyəli vitse-prezidenti Tunc Avşar əməl etdi.
Elə bu məqsədlə Qol.Az-ın müxbiri hazırda İstanbulda olan Tunc Avşarla əlaqə saxlayaraq onun baş verən olaylara münasibətini öyrənib.
- Ötən şənbə günü klubdan ayrıldığınızı açıqladınız. Klub prezidenti tərəfindən sizin istefanıza münasibət bildirilib?
- Vallah, bu haqda heç bir məlumatım yoxdur. Bildiyimə görə, Hafiz bəy hələ ölkə xaricindədir. O, hələ Çernoqoriyada, «Budosnost»la oyundan sonra dedi ki, klubun bütün üzvləri istefa ərizəsini yazsın. Mən də onun tapşırığına əməl edib tutduğum vəzifədən ayrıldım.
- İstefa verməyiniz o anlama gəlmirmi ki, baş verən olaylara görə bütün məsuliyyəti öz üzərinizə götürürsünüz?
- Xeyr. Mənim bu işdə günahım yoxdur. Sadəcə, Hafiz müəllim araşdırma aparılacağını bildirdi və dedi ki, kimin təqsiri üzə çıxsa, komandadan yola salınacaq.
- Amma mediada Hafiz Məmmədov günahkar şəxslərin kimlər olduğunu bildiyini və onların istefasını gözlədiyini söyləyib.
- Mətbuatda onun fikri düzgün anlaşılmayıb. Hafiz bəy deyib ki, araşdırma başa çatana qədər klubun bütün üzvləri istefa verməlidir. İşin gerçək tərəfi belədir. Dediyim kimi, mən də onun tapşırığına yerinə yetirdim. Yəqin ki, hazırda araşdırma gedir. Hafiz bəy nə qərar versə, ona əməl edəcəyəm.
- Belə başa düşdük ki, istefanız qəbul olunmasa, klubda qalacaqsınız?
- Əgər Hafiz Məmmədov desə ki, bu işdə Tunc Avşarın günahı var, bir daha «Bakı»da işləməyəcəyəm. Yox, əksinə olsa, komandada qalacağam.
- Araşdırmaların nə zaman başa çatacağı haqda sizdə məlumat var?
- Xeyr.
- Şəxsən siz özünüz bu olaya görə məsuliyyəti kimin üzərinə qoyursunuz?
- Biz bütün transfer məsələsində yeni baş məşqçimiz Vinfred Şeferlə birgə hərəkət etmişdik. Onun təlimatlarına uyğun olaraq, futbolçularla əlaqə saxlamışam, klub adına yeni futbolçularla danışıqlar aparmışam. Yoxsa, mən heç bir futbolçunu şəxsi istəyimlə «Bakı»ya gətirməmişəm.
- Amma mətbuatda belə məlumat yayılıb ki, hadisədə ən çox təqsiri olan Joel Epalleni «Bakı»ya məhz siz gətirmisiniz.
- Xeyr. Sadəcə, Epallenin «Bakı»ya transferi Şeferin istəyilə baş tutub. Bir daha deyirəm, o, mənim istəyim və təkidimlə «Bakı»ya gəlməyib.
- Siz məsuliyyəti Şeferin üzərinə atırsınız?
- Yox, qətiyyən. Bu məsələlərin baş məşqçiylə heç bir bağlılığı yoxdur. Sadəcə, onu demək istəyirəm ki, biz baş məşqçinin istəyinə uyğun olaraq və klubun transfer siyasətinə cavabdeh şəxslər kimi futbolçularla danışıqlar aparmışıq.
- Epalleyə hansısa cəza veriləcəyi gözlənilirmi?
- Yox. Çünki o, bu hərəkətilə özü-özünə cəza vermiş oldu. Epalle özünü psixoloji tərəfdən çox pis hiss edirdi. Bu hadisədən sonra mənə dedi ki, mətbuata çıxıb danışmaq istəmir. Bildirdi ki, yeni mövsümdə həm ölkə çempionluğunu, həm də kuboku qazanmaqla klub prezidentindən və azarkeşlərdən üzr istəyəcək.
_22.01.19.jpg)
"Bayer" qarşısıalınmazdır
"Qalatasaray" "Sivasspor"a 6 qol vurdu
“Sabah” bəxt sayəsində qalib gəldi” – Elmar Baxşıyev
Ayaz Quliyevin möhtəşəm qolu, "Sabah"ın qələbəsi - Video
"Sabah" irəlilədi, "Zirə" yenidən 2-ci pillədə
Tovuzda vurulan qollar - Video
Rəşad Sadlqov qələbəni şərh etdi
Musanın komandasından qələbə
"Araz-Naxçıvan" - "Sabah": Heyətlər
Azərbaycan millisinin üzvü Ukraynada növbəti oyuna çıxdı
"Jirona"ya məğlubiyyət Laportanı qəzəbləndirib
"Bavariya"nın futbolçusu "Real"la oyunu buraxacaq
Tovuzda heyətlər açıqlandı
Qvardiola: "Biz çempion olacağıq"
"Çelsi" Osimhen üçün 90 milyon avro təklif etdi
Messidən MLS rekordu
Rahilin komandası aşağı liqaya düşdü
"Deyiləcək söz yoxdur" - "Neftçi"nin qapıçısı
"Qarabağ" Nərimanla müqaviləni uzatdı
Ardıcıl 5-ci dəfə İspaniya çempionu oldular
"İnter"i 29 oyundan sonra məğlub edən tapıldı - Video
Suaresdən het-trik, Messidən 5 qol ötürməsi
22 il sonra Premyer Liqaya yüksəldilər
"İnter"in 29 oyunluq seriyası qırıldı
"Bavariya" uduzdu, "Borussiya"dan darmadağın
"Mançester Siti" və "Nyukasl" qalib gəldi
"Neftçi"yə qarşı hamı istəkli oynayır" - Qurban Qurbanov
