19:07
“Atletiko”nun yarımmüdafiəçisi Saul Niqes bu gün Bakıda jurnalistlərin suallarını cavablandırıb.
Qol.az-ın xəbərinə görə, “Qarabağ”la Bakıda keçiriləcək Çempionlar Liqasının üçüncü turunun oyunu ərəfəsində təşkil edilən mətbuat konfransına ispan futbolçu baş məşqçiləri Dieqo Simeone ilə birgə qatılıb.
- Çempionlar Liqasında final və yarımfinal oynamısan. Sabahkı matç da final oyunu kimidir. Uduzsanız, ÇL sizin üçün erkən bitə bilər. Bu mənada, “Qarabağ”la qarşılaşma sənə əlavə motivasiya verir?
- Mənim üçün “Atletiko” forması geyinmək özü bir motivasiyadır. Ölüm-dirim oyunu olacaq. Hər oyunda komandama xeyir verməyə çalışıram. Birinci növbədə komandanı, sonra isə azarkeşləri düşünürəm.
- Sabahkı oyun və Bakı haqda təəssüratlarınız necədir?
- Şəhəri hələ gəzməyə vaxtımız olmayıb. Bir neçə il əvvəl burda olmuşuq. Bakını gözəl şəhər kimi tanıyıram. Bizim üçün həlledici oyun olacaq. Burdan 3 xalla ayrılmağa çalışacağıq.
- “Qarabağ” kimi komandalar “Atletiko”ya başağrısı olublar. Belə matça köklənmək çətin deyil?
- Bizdə bu cür təcrübə var. Rahatlaşmaq olmaz. Çünki rəqib azarkeşləri önündə oynayacaq. Çalışacağıq ki, qələbə qazanaq.
- Hücumameylli oynamaq sizə rahatdır?
- Açığı, oyuna çıxanda bunu düşünmürəm. Mənim əsas fikrim komandamın uğur qazanmasıdır.
- ÇL-də ilk 2 oyununuz uğurlu alınmadı. Üzərinizdə təzyiq var. Bu, sizə mənfi təsir göstərə bilərmi?
- Özümüz özümüzü bu çətinliyə salmışıq. Bunu aradan qaldırmaq da öz əlimizdədir. İlk dəqiqələrdən qol vurub, vəziyyəti düzəltməyə çalışacağıq.
- Dieqo Simeonenin sənin bu səviyyəyə çatmağında nə kimi rolu olub?
- Təşəkkürümü bilidirirəm. Onun etimadını qazanmaq çox çətin oldu. Amma alındı. Simeonenin üzərimdə əməyi çox böyükdür.
“Sabah”a uduzduqdan sonra komandasını tənqid etdi
“Qarabağ” “Sabah”ı təbrik etdi
Bravo, “Sabah”!
Azərbaycan millisi “Antalyaspor”a qalib gəldi
"Qalatasaray" - "Barselona" matçının heyətləri açıqlandı
Kahim Perris Azərbaycan futbol tarixinə düşdü
Premyer Liqa klubları zərərlə işləyir
"Bu söhbətlərdən yorulmuşam"
“Real” La Liqanın oyun təqvimindən narazı qaldı
Azarkeşlər son anda qadağa ilə üzləşdi
"Sabah" - "Slaviya" matçının heyətləri açıqlandı
Danimarkanın tanınmış klubu satıla bilər
“Fənərbaxça” ilə oyun öncəsi “Aston Villa”da itkilər
“Yuventus” Ronaldo ilə bağlı qərardan şikayət etdi
"Sabah"ın U-19 komandası "Slaviya"ya uduzdu
