Topaz Premyer Liqasının 8-ci turunun "İnter" - "Qarabağ" matçından (0:2) sonra keçirlən mətbuat konfransında ağdamlıların baş məşqçisi Qurban Qurbanov oyunla bağlı fikirlərini səsləndirib.
Qol.az-ın xəbərinə görə, oyunun çətin keçdiyini bildirən təcrübəli mütəxəssis qələbə qazandıqları üçün şad olduqlarını söyləyib:
- Həmişə olduği kimi yenə də "İnter"ə qarşı oyunumuz çətin alındı. Şükürlər olsun ki, səbr etdik və qələbə qazanan tərəf olduq. Rəqibin futbolçuları bir-birini çox yaxşı anlayır. Bunun üçün bizə çətin oldu. Miçel 3 gün əvvəl məşq zamanı əzələsini dartmışdı. "Atletiko"ya qarşı oynayıb-oynamayacağı sual altındadır.
- Komandanızın üzvü və millimizin yeni kapitanı Rahid Əmirquliyev Almaniya ilə görüşdən öncə himnimizi oxumamışdı. Buna münasibətiniz...
- İndi deyirsiniz, Rahid Əmirquliyevi həbsə ataq? Açığı, bu barədə düşünməmişdim. Biz onun əxlaqına çox yaxşı bələdik, hamımız onun intizamını bilirik. Rahid o futbolçulardandı ki, çox oyunçulara öz davranışları ilə nümunədir. Məncə, bu futbolçulara hörmətlə yanaşmaq lazımdır. Onun himni oxumaması vətənə sevgisinin olmadığı anlamına gəlmir. Mən bir azərbaycanlı kimi ona qibtə edirəm.
- Ağabala Ramazanov niyə oynamır?
- O, zədəli olduğu üçün komandaya qoşulmayıb.
- Ramil Şeydayev Almaniya ilə görüşün ən yaxşılarından biri olsa da, bu gün onu meydana buraxmadınız...
- Ramili meydana buraxmağı düşünürdüm. Sadəcə, matçın gedişi elə alındı ki, ehtiyac qalmadı. Xüsusi bir səbəb yox idi.
- Dino Ndlovu son dəqiqələrdə zədələndi. Vəziyyəti necədi?
- Elə güclü zərbə olmadı. Topa zərbə zamanı rəqib oyunçu ayağına vurdu.
- Rəşad Sadıqov və Dani Kintananın oynamaması süni örtüklə bağlı idi?
- Demək olar ki, bəli. Rəşadda da yüngül zədə var, komandaya tam qoşulmayıb. Daninin oyunu buraxmaq ehtimalı var idi. Vəziyyəti elə də ciddi deyildi. Sadəcə, istəmədim ki, meydanda olsun.
Elnur SALAHOV
Kurban Berdıyevin köməkçiləri açıqlandı
Orxan Məmmədov Türkiyədə "Zirə"ni ziyarət etdi - Şəkillər
İsveçrə - İtaliya oyununun ən yaxşısı bilindi
Azərbaycan güləşçisi Avropa çempionu oldu
"Neftçi" iki futbolçu transfer etdi
Qolu sınan azarkeşə imzalı forma hədiyyə etdi
Daha iki güləşçimiz Avropa çempionatının finalında
"Qarabağ" Zubirlə müqaviləni uzatdı
"Tək Kvaratsxeliya İspaniya millisindən güclüdür"
"Neftçi" yeni formalarını təqdim etdi - Şəkillər
"Jirona"nın yeni mövsüm üçün formaları - Şəkillər
Şkrinyar: "Biz İngiltərə millisindən daha güclüyük"
Yamal futbol tarixinin ən bahalı futbolçusu ola bilər
"Sumqayıt" dəniz sahilində məşq etdi - Şəkillər
Türklərin İstanbula çevirdiyi şəhər - Hamburqdan reportaj
İngiltərədən İtaliyaya
"Çelsi" Kellimanın transferini açıqladı
Marandiçi də "Turan Tovuz"da qaldı - Rəsmi
"Cəbrayıl" Cavid Hüseynovun gedişini açıqladı
"Turan Tovuz"da yeni müqavilə