16.11.18
“Şerif”in futbolçusu Viktor Oliveyra Çempionlar Liqasının üçüncü təsnifat mərhələsində "Qarabağ"la cavab oyunu öncəsi klubun saytına müsahibə verib.
Qol.az müsahibəni ixtisarla təqdim edir.
- “Qarabağ”la ilk oyun barədə nə deyə bilərsiniz?
- Çempionlar Liqası kimi nüfuzlu turnirdə əsas heyətdə meydana çıxdığım ilk matç idi. Görüş ağır keçdi. Amma komandamız güclü tərəflərini göstərə bildi. Düşünürəm ki, Bakıda qol buraxmamaqla əsas tapşırığın öhdəsindən gəldik.
- Rəqibin oyununu necə qiymətləndirirsən? Biz Ağdam klubunu nəyin hesabına mübarizədən kənarlaşdıra bilərik?
- “Qarabağ” lazımi səviyyədə komplektləşmiş komandadır. Rəqibin futbolçuları sürətli və aqressiv oyun göstərirlər. Amma “Şerif”də də səviyyəli futbolçular var. “Qarabağ”ı üstələmək üçün bütün gücümüzdən istifadə etməli, xarakter göstərməliyik.
- Cavab qarşılaşmasında kimi favorit adlandırmaq olar?
- Hesab edirəm ki, oyunun favoriti yoxdur. Matç hər iki komanda üçün çətin keçəcək. Azarkeşlərlə dolu stadion bizə çox kömək olardı. Azərbaycanda azarkeşləri öz komandalarını irəli səsləyirdilər. O cür dəstək cavab görüşündə “Şerif”ə lazımdır.
- “Qarabağ”ın heyətində ehtiyat etdiyiniz futbolçular kimlərdir?
- Rəqib kollektiv halında güclü və ustalıq səviyyəsi yüksək olan komandadır. Amma daha çox Dino Ndlovu və Donald Gerryeni diqqətdə saxlamalıyıq.
- “Qarabağ”la görüşdən əvvəl azarkeşlərə nə demək istərdin?
- Stadiona nə qədər çox azarkeş gəlsə, bir o qədər yaxşıdır. Azarkeşlərin dəstəyini görmək istəyirik. Biz yalnız birlikdə güclüyük və çox şeyə qadirik. “Qarabağ”la oyunda qələbə qazanmaq üçün bütün gücümüzü meydanda qoyacağıq.
Mbappe zədəsini sağaltdı
Belhanda klubunu dəyişdi
"Bavariya"da ciddi itki
Tunis millisi yeni baş məşqçisini açıqladı
“Mançester Yunayted” qışı transfersiz başa vuracaq?
Afrika Kubokunda gərgin anlar: Salah hər kəsi qəzəbləndirdi
"Liverpul" onun üçün sərvət ödəməyə hazırdır
Superliqa klubu 2 futbolçusunu göndərdi
