Bu gün 50 yaşını qeyd edən ötənlərin məşhur futbolçusu İqor Ponomaryov Qol.Az saytına müsahibə verib.
- İqor Anatolyeviç, ilk olaraq sizi yubiley münasibətilə təbrik edirik. Ad gününüzü məhz Bakıda keçirmək fikri necə yarandı?
-Təbrikə görə təşəkkür edirəm. İdeya mənə məxsusdur. Bu gün mənim həyatımda əlamətdar gündür. Axı 50 yaş insanın həyatında çox önəmlidir. Buna görə də ad günümü Bakıda keçirmək qərarına gəldim. Burada mənim çoxlu dostlarım, tanışlarım var. Eyni zamanda anam da burada yaşayır. Bu səbəbdən də belə bir əlamətdar günü vətənimdə, dostlarımın, tanışlarımın əhatəsində keçirmək qərarına gəldim.
- Bu şad gününüzdə sevincinizi bölüşmək üçün tanınmış mütəxəssislər Anatoli Bışovets və Stanislav Çerçesov da Bakıya gəliblər.
- Buna görə onlara öz təşəkürümü bildirirəm. Dostlar tərəfindən unudulmamaq, belə bir xoş gündə xatırlanmaq çox xoşdur.
- Amma deyəsən, belə bir əlamətdar gündə oğlunuz - Anatoli Ponomaryov yanınızda olmayacaq.
- Tolik də Bakıya gəlməyi, ad günümdə mənimlə birgə olmağı çox istəyirdi. Amma hazırda onun işləri çoxdur. Həm də Bakıya gəlmək üçün o gərək uzun yol qət edəydi. Ordudan Trabzona, oradan İstanbula, Istanbuldan da Bakıya gəlməliydi. Bu səbəbdən də səfəri təxirə salmaq qərarına gəldi.
- Bütün ömrünü futbola həsr etmiş İqor Ponomaryov 50 illik yubileyində işsizdir. Bu amil belə bir gündə əhvalınızı korlamır ki?
- Əlbəttə, mən də istərdim ki, belə bir gündə futboldan kənarda qalmayım. Amma nə etmək olar? Məşqçi karyerası belədir də. İnanıram ki, tezliklə hər şey yaxşı olacaq.
- Bu arada adınız “Neftçi”nin baş məşqçisi postuna namizədlər arasında hallanır…
- Tam səmimi deyirəm, bu günə qədər bu barədə mənə heç kim müraciət etməyib. Mətbuatdan mən də oxuyuram ki, adım komanda ilə birgə hallanır. Amma ortada real bir təklif yoxdur.
- Təklif alsanız, cavabınız necə olardı?
- Əlbəttə ki, “Neftçi” kimi klubun baş məşqçisi olmaq şərəflidir. Əgər “Neftçi”dən təklif alsam, məmnuniyyətlə onu müsbət cavablandırardım. Amma bir daha təkrarlayıram ki, ortada hələlik real bir şey yoxdur.
- İqor Ponomaryov artıq neçə ildir uğursuzluğa düçar olan “Neftçi”yə əvvəlki əzəmətini qaytara bilər?
- İndi bu haqda nəsə deməyim düzgün olmazdı. Mən futbolçu kimi uzun illər bu klubun şərəfini qorumuşam. “Neftçi” mənim üçün həddindən artıq doğmadır. Mən də istərdim ki, “Neftçi” tezliklə əvvəlki əzəmətini geri qaytarsın.
- Artıq bir neçə gündür ki, Bakıdasınız. Bu müddət ərzində hansısa oyunu izləmək imkanınız olub?
- Hə, “Neftçi” - “Xəzər Lənkəran” matçına baxmışam.
- Maraqlıdır, niyə məhz həmin oyuna? Bir tərəfdə sabiq klubunuz “Xəzər Lənkəran”, digər tərəfdə isə yeni iş yeriniz olacağı iddia edilən “Neftçi”?
- Yox, bu yalnız bir təsadüfdür (gülür).
- Oyun necə, xoşunuza gəldi?
- O qədər də yox. Düzdür, hər iki komanda meydanda mübarizə aparırdı. Lakin meydanda baxımlı futbol yox idi. Eyni zamanda qeyd edim ki, hər iki komandada cinahlar zəif işləyirdi. Komandalar yalnız nəticə haqda düşünürdülər.
- Ötən mövsüm “Xəzər Lənkəran”ın baş məşqçisi idiniz. Bu mövsüm isə qeyd etdiyiniz kimi bir oyuna canlı tamaşa etmisiniz. Geridə qalan bir il ərzində çempionatımızda irəliləyiş hiss olunur?
- Sözün açığı, elə bir irəliləyiş yoxdur. Hətta mən deyərdim ki, səviyyə bir qədər də zəifləyib. Götürək elə ötən mövsüm çempion olan “Bakı”nı.
- “Bakı”nın indiki oyunu deyəsən xoşunuza gəlmir…
- Ötən mövsüm komanda daha yaxşı oynayırdı. Meydanda daha çox hərəkət edirdilər, daha çox mübarizə aparır, eyni zamanda xeyli sayda qol vəziyyəti yaradırdılar. Amma indiki halda “Bakı” sönük futbol sərgiləyir. Amma mən çox istərdim ki, Azərbaycan futbolu tezliklə inkişaf etsin. Klublarımız qitə miqyaslı yarışlarda daha yaxşı çıxış etsinlər. Eyni zamanda millimiz də daha yüksək səviyyəli futbol sərgiləsin. Azərbaycan futbolunun inkişaf etməsi hamımızın arzusudur.
31 oyunda 35 qol - Video
"Şəfa"nın "Dinamo"ya qalib gəldiyi oyun - Video
Azərbaycanın iki idmançısı Paris-2024-ə vəsiqə qazandı
"Mançester Yunayted" Reşfordu 70 milyona satmağa hazırdır
"Mbappe ilə finalda qarşılaşsaq, onu əzəcəyəm" - Rudiger
“Şahdağ Qusar” - “Füzuli” matçında 6 qol - Video
"Barselona"da qalmaq qərarımın səbəbi sadədir" - Xavi
"Şəfa" və "Qusar"dan qələbə
“Araz Saatlı”nın məşqçisinə 2 oyunluq cəza
Van Persi Niderland klubu ilə razılığa gəldi
"Barselona" hücumçusunu icarəyə verəcək
PSJ-nin Luis Enrike qərarı
Levandovskidən "Barselona" tarixinin rekordu
"Hamı mənə dəstəkdir" - Musa Qurbanlı
"Fire League"da qrup mərhələsi başa çatdı
Almaniya təmsilçisinin futbolçusu gecə klubunda döyüldü
Azərbaycan U-21 millisi yoldaşlıq oyunu keçirəcək
"İnter" iki futbolçusu ilə müqaviləni uzadır
"Borussiya" - PSJ oyununun hakimləri bilindi
Ronaldo Braziliya klubunu satdı
Acun alacağı yeni klubun adını açıqladı
İdman direktoru baş məşqçi təyin olundu
Yunanıstan mediası Terimin istefaya göndəriləcəyini yazır
Arda: "Real" mənə Modriçin varisi olacağımı dedi"
"Qarabağ" - "Neftçi" oyununun stadionu dəyişdirildi
Rəşad Sadıqovun ittihamı kimlərə yönəlib? - Video
"Mançester Yunayted"də qalacaqlar
"Bavariya" - "Real" oyununu göstərəcək kanallar
Levandovski: "Bu yay "Barselona"dan ayrılmağım mümkün deyil"
Azərbaycan millisinin üzvündən qol ötürməsi - Video
"Lester" çempion oldu
“Barselona”dan əzmkar qələbə
A seriyasında 34-cü tura yekun vuruldu
Cəlalın komandası qələbəni əldən verdi - Video
“Bavariya” – “Real” oyununa hakim təyinatları müəyyənləşdi
"Prinsipim Rəşad Sadıqovla deyil" - Elmar Baxşıyev
"Real" "Bavariya" ilə oyun üçün iştirak ərizəsini açıqladı
"Araz-Naxçıvan" "Zirə"yə belə qalib gəldi - Video
“Zirə” “Araz Naxçıvan”a uduzdu
Mehriban Əliyeva Avropa çempionunu təbrik etdi
"Bakı Sportinq"im 5 cavabsız qolu - Video
Liderdən darmadağın, "Cəbrayıl"dan qələbə
"Zirə" - "Araz-Naxçıvan": Heyətlər
"Milan" müdafiəçisi ilə yolları ayırır
"Yalnız birlikdə uğur qazana bilərik” - Filip Ozobiç
Aleksis Sançes "İnter"dən ayrılır