Premyer Liqanın XXI turu çərçivəsində Bakıda “Neftçi”nin qonağı olacaq “Xəzər Lənkəran”ın baş məşqçisi Ağasəli Mircavadov Qol.Az saytına müsahibə verib.
- Son turda komandanızın “Qarabağ”a qarşı keçirdiyi oyun sizi qane etdi?
- Oyun çox gərgin və maraqlı keçdi. İki gün ərzində Lənkəranda qar yağdığına görə meydançanın vəziyyəti ürəkaçan səviyyədə deyildi. Stadionun direktoru və işçiləri ot örtüyünün yaxşı vəziyyətə gətirilməsi üçün əllərindən gələni etmişdilər. Mən onlara, eyni zamanda bizi bütün oyun boyu dayanmadan dəstəkləyən fanatlarımıza bir daha öz təşəkkürümü bildirirəm. Meydançanın vəziyyəti yaxşı olmasa da, hər iki komanda bütün bacarığını ortaya qoyaraq, azarkeşləri gərginlikdə saxladılar. Oyundan tam razı qaldım. Amma təəssüf ki, bu sözləri nəticə haqda deyə bilməyəcəyəm. Biz qələbə qazanmaq istəsək də, bunu bacarmadıq. Halbuki 3 xal qazanmağa biz daha çox layiq idik. Bir neçə qol şansımız olsa da, bunlardan istifadə edə bilmədik.
- Komandanızın “Qarabağ”ı məğlub edə bilməməsinin səbəbini yalnız qol şanslarından istifadə etməməkdə görürsünüz?
- Bəli. Əlimizə düşən imkanlardan faydala bilsəydik, 3 xal bizim olacaqdı. Xüsusən də Lalinin epizodunu qeyd etmək istərdim. Həmin epizodda topu qapıdan keçirməyə borclu olsa da, bunu bacarmadı.
- “Qarabağ”ın oyunu barədə nə deyə bilərsiniz? Ağdam klubu sizi nə iləsə təəccübləndirlə bildi? Yoxsa rəqibdən elə bu cür də oyun gözləyirdiniz?
- Yox, onlar bizi heç nə ilə təəccübləndirmədilər. Biz elə “Qarabağ”dan bu cür - müdafiəyə meyilli oyun da gözləyirdik. “Qarabağ” ilk dövrədə bizi məğlub etdiyindən, bu dəfə onlara 1 xal da bəs idi. Oyunun gedişində də əsasən müdafiəyə daha çox diqqət ayırdılar və sonda istəklərinə çatdılar.
- Qələbə qazana bilməməklə komandanız həm də “qızıl xallar”a görə lider olmaq şansını qaçırdı...
- Hə, elədir. Bu mövsüm kim daha yaxşı oynayırsa, kim əsas rəqiblərlə mübarizədə daha çox xal toplayırsa, o da sonda qalib olacaq. Bu səbəbdən də liderlə oyunlarda qazanılan hər bir xal mühümdür.
- “Xəzər Lənkəran” yeni ildə artıq çempionatda üç oyun keçirib. Bu matçlarda komandaya qoşulan yeni legionerlər ümidlərinizi doğruldurlar?
- İlk növbədə onu deyim ki, yeni qoşulanların vaxta ehtiyacları var. Onlar buradakı mühitə, şəraitə, Azərbaycanın mentalitetinə öyrəşməlidirlər. Müəyyən zaman keçdikdən sonra onlar buradakı mühitə uyğunlaşdıqdan sonra daha yaxşı çıxış edəcəklər. Elə
indiki vəziyyətdə də çıxışları məni qane edir.
- Qarşıda “Xəzər Lənkəran”ı daha bir çətin oyun - “Neftçi” ilə qarşılaşma gözləyir. Bu görüş barədə nə deyə bilərsiniz?
- Bu oyunu digərlərindən heç nə ilə fərqləndirmirəm. Biz heç vaxt rəqibləri ayırmır, hər birinə eyni gözlə baxırıq. O cümlədən də “Neftçi” ilə matç istisna təşkil etmir. Biz hər oyuna qələbə üçün çıxırıq. Bu dəfə də “Neftçi”ni məğlub etmək istəyirik. Amma mənim əsas istəyim odur ki, komanda təkcə qələbə qazanmasın. Həm də gözəl oyun sərgiləyərək, 3 xalı qazansın.
- “Neftçi” ilə qarşılaşmada bir xal sizi qane edəcək?
- Biz bu oyuna yalnız və yalnız qələbə üçün çıxacağıq. Bayaq da dediyim kimi, indi vəziyyət elədir ki, “ilk altılıq”da qərarlaşan komandaların öz aralarındakı oyunları böyük önəm kəsb edir. Bu səbəbdən də “Neftçi”ni məğlub etmək istəyirik. Çempion olmaq üçün gərək bütün oyunlarda maksimum nəticə qazanaq.
- Yəqin ki, “Neftçi”nin son oyunlarını izləmisiniz. İlk dövrədə qarşılaşdığınız komanda ilə indiki arasında nə fərq var?
- Sözün açığı, “Neftçi”nin oyununu izləməmişəm. Amma bilirəm ki, fasilədə heyətlərini gücləndiriblər. İndi komanda daha güclü təsir bağışlayır. İndiki halda əsas meydançaların durumudur. Ot örtüyü hava şəraiti ilə əlaqədar olaraq, ideal səviyyədə olmadığından komandaların da işləri çətinləşir. Eyni zamanda təqvimdəki son dəyişiklik, üç gündən bir oyuna çıxmaq heç də asan deyil.
- Dediyiniz bu amil - üç gündən bir meydana çıxmaq komandanızın çıxışına nə dərəcədə təsir göstərir?
- Mən hesab edirəm ki, bu amil təkcə bizim deyil, bütün komandalara problem yaradır. Oyunlara hazırlaşmaq üçün demək olar ki, vaxt çox az olur. Biz srağagün “Qarabağ”a qarşı oynadıq, dünən isə futbolçulara istirahət verdim. Bu gün artıq səhər saatlarında “Neftçi” ilə oyunun hazırlığına başladıq. Birisigün də oyundur.
"Borussiya" PSJ-yə qarşı
31 oyunda 35 qol - Video
"Şəfa"nın "Dinamo"ya qalib gəldiyi oyun - Video
Azərbaycanın iki idmançısı Paris-2024-ə vəsiqə qazandı
"Mançester Yunayted" Reşfordu 70 milyona satmağa hazırdır
"Mbappe ilə finalda qarşılaşsaq, onu əzəcəyəm" - Rudiger
“Şahdağ Qusar” - “Füzuli” matçında 6 qol - Video
"Barselona"da qalmaq qərarımın səbəbi sadədir" - Xavi
"Şəfa" və "Qusar"dan qələbə
“Araz Saatlı”nın məşqçisinə 2 oyunluq cəza
Van Persi Niderland klubu ilə razılığa gəldi
"Barselona" hücumçusunu icarəyə verəcək
PSJ-nin Luis Enrike qərarı
Levandovskidən "Barselona" tarixinin rekordu
"Hamı mənə dəstəkdir" - Musa Qurbanlı
"Fire League"da qrup mərhələsi başa çatdı
Almaniya təmsilçisinin futbolçusu gecə klubunda döyüldü
Azərbaycan U-21 millisi yoldaşlıq oyunu keçirəcək
"İnter" iki futbolçusu ilə müqaviləni uzadır
"Borussiya" - PSJ oyununun hakimləri bilindi
Ronaldo Braziliya klubunu satdı
Acun alacağı yeni klubun adını açıqladı
İdman direktoru baş məşqçi təyin olundu
Yunanıstan mediası Terimin istefaya göndəriləcəyini yazır
Arda: "Real" mənə Modriçin varisi olacağımı dedi"
"Qarabağ" - "Neftçi" oyununun stadionu dəyişdirildi
Rəşad Sadıqovun ittihamı kimlərə yönəlib? - Video
"Mançester Yunayted"də qalacaqlar
"Bavariya" - "Real" oyununu göstərəcək kanallar
Levandovski: "Bu yay "Barselona"dan ayrılmağım mümkün deyil"
Azərbaycan millisinin üzvündən qol ötürməsi - Video
"Lester" çempion oldu
“Barselona”dan əzmkar qələbə
A seriyasında 34-cü tura yekun vuruldu
Cəlalın komandası qələbəni əldən verdi - Video
“Bavariya” – “Real” oyununa hakim təyinatları müəyyənləşdi
"Prinsipim Rəşad Sadıqovla deyil" - Elmar Baxşıyev
"Real" "Bavariya" ilə oyun üçün iştirak ərizəsini açıqladı
"Araz-Naxçıvan" "Zirə"yə belə qalib gəldi - Video
“Zirə” “Araz Naxçıvan”a uduzdu
Mehriban Əliyeva Avropa çempionunu təbrik etdi
"Bakı Sportinq"im 5 cavabsız qolu - Video
Liderdən darmadağın, "Cəbrayıl"dan qələbə