"Almaniya San-Marinodan üzr istəsin!” - dövlət katibi

"Almaniya San-Marinodan üzr istəsin!” - dövlət katibi
DÜNYA FUTBOLU 15 Noyabr 2016 / 14:50 6600
-  A +

San-Marinonun idman və turizm məsələləri üzrə dövlət katibi Teodoro Lonfernini Almaniya Futbol İttifaqından üzr istəməyi tələb edib.

Qol.az-ın xəbərinə görə, nazirin yaydığı rəsmi açıqlamada DÇ-2014-ün seçmə mərhələsinin San-Marino – Almaniya oyunundan (0:8) sonra qonaq komandanın futbolçusu Tomas Müllerin fikirlərinə toxunulub.

Qeyd edək ki, Müller San-Marino kimi komandalarla oyunun peşakar futbolla bağlılığı olmadığını deyib.

“Mən öz ölkəmlə Almaniyanın idman nailliyətlərini müqayisə etmək istəmirəm. Amma Almaniya yalnız dünya çempionudur, dünyanın yiyəsi deyil” – deyə dövlət katibi bildirib.

Bəyanatda daha sonra bildirilib: “San-Marinonun qonaqpərvərliyi hamıya məlumdur. Bu fakta istənilən idman yarışını keçirəndə xüsusi önəm veririk. Mən heç kimə, hətta dünya çempionlarına da ölkəmizin aşağılamağa imkan vermərəm. Onların sözləri qəbuledilməzdir. Mən Almaniya Futbol İttifaqından rəsmi üzrxahlıq gözləyirəm”.


Son xəbərlər
topaz banner