19:45
Azərbaycanın yeniyetmələrdən ibarət yığmasının sabiq üzvü Renat Dadaşov Almaniyanın U-17 yığmasındakı çıxışı ilə diqqətləri üzərinə çəkib.
Qol.az-ın məlumatına görə, Dadaşov Bundestimin heyətində keçirdiyi 7 oyunda 8 qol vurmağı bacarıb.
"Leyptsiq"in futbolçusu son qolunu martın 24-də Avropa çempionatının Elit raundunda Slovakiya ilə keçirilən görüşdə vurub. Həmin matçda almanlar 5:1 hesabı ilə qalib gəlib.
Almaniya mətbuatında da azərbaycanlı futbolçunun millimizdən imtina edərək Bundestimdə oynaması ilə bağlı təhlilə yer verilib. Renat 2013-2014-cü illərdə Azərbaycanın U-16 yığmasında çıxış edib və qol da vurub. Həmin müddətdə onun böyük qardaşı Rüfət Dadaşov Azərbaycan millisinin əsas komandasında oynayıb və 4 qola imza atıb.
Berti Foqtsun dönəmində yığmaya çağırılan Rüfət Dadaşov almaniyalı mütəxəssisin gedişindən sonra millimizə dəvət edilməyib. Onun qardaşı Renat Dadaşov isə Almaniyanın U-17 yığmasından dəvət alıb. Bundan sonra o, Azərbaycan millisində oynamaqdan imtina edərək Almaniya yığmasının təklifini qəbul edib.
Çox təəssüf ki, AFFA zamanında belə gənc istedadlı futbolçunu qoruyub saxlaya bilməyib.
Renatın valideynləri hələ o anadan olmamışdan öncə Bakıdan Almaniyaya köçüb. R.Dadaşov Rudeshaym şəhərində doğulub və ilk olaraq "Ayntraxt"ın (Frankfurt) gənclərdən ibarət komandasında oynayıb. Onun bir neçə qohumu Azərbaycanda yaşayır. Onlar Renatı bu ilin may ayında Bakıda 17 yaşadək futbolçulardan ibarət yığmalar arasında keçiriləcək Avropa çempionatının final mərhələsində Almaniya millisinin heyətində görə biləcəklər.
Almaniya mətbuatına danışan R.Dadaşov bunları deyib: "Babam və nənəm artıq Almaniya millisinin şərfini alıb. Onlar mənim necə futbol oynadığımı görmək istəyirlər. Azərbaycanda keçiriləcək Avropa çempionatında oynamaq mənim ən böyük arzumdur. İdman mənim genimdə var. Anam voleybol, atam isə su polosu ilə məşğul olub. Valideynlərim mənim üçün önəmlidir. Hər həftəsonu onlar 400 km qət edərək mənim oyunumu izləməyə gəlirlər.
Kumirim Kriştiano Ronaldodur. Ancaq ona çatmağıma hələ çox addım var. Hələ ki, əsas məqsədim mayda Bakıda keçiriləcək Avropa çempionatında oynamaq və Almaniya millisi ilə titul qazanmaqdır" (Haqqın.az).
“İmişli”də yeni müqavilə
11 illik dövrün sonu
“Qarabağ”ın çəkisi çox ağırdır" - Qurban Qurbanov
Pley-off mərhələsindən uzaqlaşdılar, 4 xalları silindi
Milliyə yeni baş məşqçi təyin olundu
Yenidən Bundesliqaya qayıda bilər
"İnter"in yeni formaları - Şəkillər
Premyer Liqa klublarının hədəfinə düşdü
Baş məşqçi hakimdən narazı qaldı
Muaddib “Qarabağ”da məşqlərə başladı - Şəkillər
55 yaşlı futbolçu yenidən yaşıl meydanlarda - Video
Klub baş məşqçiyə görə təzminat tələb edə bilər
"Real"ın yeni kapitanı bəlli oldu
Haaland "Barselona"ya keçir?
"Beşiktaş"dan 10 milyonluq təklif
Premyer Liqadan düşsə, futbolçularını göndərəcək
DÇ-2026: Portuqaliya heyətində kimlər var?
"Bu, iki ən çətin çempionluqdan biri idi" - Rövşən Hüseynli
Futbolçulara gedəcəyini açıqlayıb
Avstriya millisinin DÇ-2026 üçün yekun heyəti
