"Azərbaycanla oyuna yaxşı hazırlaşacağıq"

"Azərbaycanla oyuna yaxşı hazırlaşacağıq"
ÖLKƏ FUTBOLU 15 Mart 2016 / 16:05 3638
-  A +

"Komanda martın 21-də bir araya gələcək və dərhal da Rostova yollanacağıq. Azərbaycan və Almaniya ilə oyunlara qədər Premyer Liqanın 1, birinci divizionun 2 turunun oyunları keçiriləcək. Bu müddətdə yığmaya namizəd futbolçuları izləməyə davam edəcəyik".

Qol.az-ın məlumatına görə, bu sözləri Rusiyanın 21 yaşadək futbolçulardan ibarət yığmasının baş məşqçisi Nikolay Pisarev deyib.
 
Rusiya Futbol Federasiyasının rəsmi saytına danışan Pisarev Azərbaycanla oyuna yaxşı hazırlaşacaqlarını bildirib:

"Heyətdə müəyyən dəyişikliklər ola bilər. Ancaq bu, minimal səviyyədə olacaq. Martın 20-də futbolçular öz klublarında meydana çıxacaqlarından ertəsi gün bərpaedici məşq keçməyi planlaşdırırıq. Martın 24-də isə Azərbaycanla rəsmi matçımıza çıxacağıq. Ümid edirəm ki, bu oyuna yaxşı hazırlaşa biləcəyik. Həmin oyundan sonra Almaniya ilə görüşə hazırlaşacağıq. Heyətə gəlincə klublarında oyun praktikası olan futbolçuları yığmaya dəvət etməyə çalışırıq". 

Qeyd edək ki, martın 24-də evdə millimizi qəbul edəcək Rusiyanın U-21 yığması 5 gün sonra Almaniya ilə üz-üzə gələcək.

Daha çox


Son xəbərlər