18:42
Azərbaycan millisinin və "Kordoba" klubunun futbolçusu Eddi İsrafilov İspaniyanın "Marca" qəzetinə müsahibə verib.
Qol.Az-ın məlumatına görə, 24 yaşlı futbolçu yeni klubu haqda danışıb.
- "Kordoba"dakı ilk həftələriniz necə keçdi?
- Burada çox xoşbəxtəm və özümü rahat hiss edirəm. Komandaya tam uyğunlaşmışam.
- Komanda səndə necə təəssürat yaradıb?
- Çox bəyənirəm. Fərdi keyfiyyətləri malik çox oyunçuları var. Paltardəyişmə otağında əla atmosfer olur və bu meydandakı oyunumuza da müsbət təsir göstərir.
- "Kordoba"nın La Liqaya yüksəlmək perspektivini nə dərəcədə görürsən?
- Əlbəttə. Bu komanda uzun yol qət edə bilər. Əsas hədəfimiz turnir cədvəlində mümkün qədər irəliləməkdir. "Pley-off"a çıxa bilsək, daha yaxşı olar.
- "Kordobaya" nə qazandıra bilərsən?
- İlk növbədə La Liqadakı oyun təcrübəmlə komandama kömək edərəm. Həmçinin meydanın mərkəzində faydalı ola bilərəm.
- Baş məşqçi Xose Luis Oltra ilə bağlı fikirləriniz necədir?
- O, çox yaxşı məşqçidir. Oltranın işini bəyənirəm. Çünki o, daim yeniliklər axtarır. Həmçinin bizi necə motivə edəcəyini yaxşı bilir.
- Qarşına nə məqsəd qoymusan?
- Əsas məqsədim əsas heyətdə möhkəmlənmək, daha çox oynamaq və inkişaf etməkdir.
- La Liqadan Sequndaya qayıtmağını daha çox oynamaq istəyi ilə əlaqələndirmək olarmı?
- Əlbəttə, doğrudur. La Liqada çox da oynamaq şansı əldə etmədim. Ona görə də “Kordoba”ya keçdim. Düşünürəm ki, bu addımım məndə özünəinam hissini artıracaq.
- "Kordoba"nın aparıcı futbolçularından biri olacağına inanırsan?
- Ümid edirəm ki, hər şey özümdən asılı olacaq. Yaxşı işləsəm və inkişaf etsəm, futbolçu biliyimi və keyfiyyətimi artıracam.
- "Kordoba"ya keçməzdən əvvəl başqa təkliflər var idimi?
- Bir neçə variant var idi. Digər klublardan da təkliflər almışdım. Ancaq onlardan “Kordoba”nın təklifi mənə daha maraqlı gəldi. Düşünürəm ki, təklifi qəbul etməklə düzgün addım atdım.
Zinçenko klubsuz qaldı
“Neftçi”nin 4 rəqibi
Fransa - İsveç: Heyətlər
Haalanddan zəif göstərici
"Marsel"də baş məşqçi ayrılığı
Braziliya millisində itki
"Onlar akademiyalarda, biz isə çətinliklər içində böyüdük"
Dünya çempionatlarında yalnız 3 milli bunu bacarıb
Portuqaliyalı hücumçu "Milan"da
"Zirə" Türkiyə klubuna məğlub oldu
Kot d'İvuar - Norveç: Heyətlər
İstefa dalğası bu dəfə ona doğru gəlir
Dünya Çempionatı 2026
Xəbərlər
Təqvim
Cədvəl