"Azərbaycan üçün futbolçu yetişdiririk"

"Azərbaycan üçün futbolçu yetişdiririk"
XƏBƏR 3 Dekabr 2015 / 22:52 3691
-  A +

“Çox danışmağa ehtiyac yoxdu. Futbol üçün əlverişsiz olan hava şəraitində oynadıq. Məncə, futbolçular hər cür şəraitində oynamağa çalışmalıdırlar".

Qol.Az-ın PFL-in saytına istinadən yaydığı xəbərə görə, bu sözləri "Bakı"nın baş məşqçisi Novruz Əzimov Azərbaycan kubokunun  1/8 final mərhələsində  "Rəvan"a 0:1 hesabı ilə uduzduqları matçdan sonra deyib.

"Rəqibin heyətində vaxtilə “Bakı”ya məxsus 5 oyunçu vardı, biz Azərbaycan üçün futbolçu yetişdiririk. Oyunda vurulan yeganə qolun müəllifi Vüqar Bəybalayev də müqavilə ilə “Bakı”ya məxsusdur. Düşünürəm ki, futbolçularımız bu gün yaxşı mübarizə apardılar" - deyə o bildirib.

N.Əzimov oundan sonra “Bakı”nın prezidenti Hafiz Məmmədovun onlara ismarış göndərərək, futbolçuların oyunundan razılığını ifadə etdiyini vurğulayıb.


Son xəbərlər