Tərlan Əhmədov: "Maliyyə durumu normallaşmaqdadır"

Tərlan Əhmədov: "Maliyyə durumu normallaşmaqdadır"
XƏBƏR 23 Oktyabr 2015 / 21:15 4552
-  A +

“Ruh düşkünlüyünə baxmayaraq, AZAL əzmkar oyun sərgilədi. Ümumilikdə hər iki komandanın ifasında maraqlı, mübarizəli bir oyun gördük".

Qol.Az-ın PFL-in saytına istinadən yaydığı xəbərə görə, bu sözləri AZAL-ın baş məşqçisi Tərlan Əhmədov Azərbaycan Premyer Liqasının 9-cu turunda "Neftçi"yə 2:1 hesabı ilə qalib gəldikləri matçdan sonra deyib.

" Biz oyunun taleyini ilk hissədə həll edə bilərdik. Sadəcə, yaradılan qol vəziyyətlərindən maksimum istifadə edə bilmədik. Fasilədə komandaya əks hücumlarda oynamağı tapşırdım. Eyni zamanda, edilən dəyişikliklər də öz bəhrəsini verdi" - deyə o bildirib .

O, bu qələbəyə görə komandaya təşəkkür edib:

"Artıq “Neftçi” ilə matçı unudub, növbəti tura hazırlaşmaq vacibdir. Biz bəzi səhvləri etməsəydik, indi xallarımız daha çox olardı. Maliyyə durumu normallaşmaqdadır. Artıq məşqçilər korpusunun, futbolçuların maaşları ödənilib”.

 

Daha çox


Son xəbərlər