"Bakı-2015" I Avropa Oyunlarında boks yarışlarının 1/4 final mərhələsi davam edir.
Qol.Az-ın məlumatına görə, bu gün daha 6 boksçumuz yarımfinala yüksəlmək uğrunda yarışıb.
Qeyd edək ki, dünən boksçularımızdan 4-ü Elvin Məmişzadə, Tayfur Əliyev, Teymur Məmmədov və Məhəmmədrəsul Məcidov yarımfinala yüksəlib.
23 iyun
Kişilər
60 kq
1/8 finalda erməni əsilli Gürcüstan təmsilçisi Otar Eranosyanı mübarizədən kənarlaşdıran Albert Səlimov yarımfinala yüksəlmək uğrunda bolqarıstanlı Dmitri Elian ilə döyüşüb. Hər üç raundda rəqibindən üstün olan Səlimov yarımfinala yüksəlib. Boksçumuz yarımfinalda Sin Makkombla (İrlandiya) döyüşəcək. Qarşılaşma iyunun 26-da saat 13:00-da start götürəcək.
64 kq
Yığmamızın üzvü Lorenzo Sotomayor mübarizəsini davam etdirir. O,
yarımfinalda rumıniyalı Daniel Nikulesku ilə qarşılaşıb. Boksçumuz rəqibini 3:0 (29:28; 29:28; 30:27) hesabı ilə məğlub edib. Sotomayor yarımfinalda Viktor Petrovu (Ukrayna) sınağa çəkəcək. Qarşılaşma iyunun 25-də saat 14:15-da başlayacaq.
69 kq
Boksçularımızdan Pərviz Bağırov yarımfinal uğrunda almaniyalı Abass Barau ilə münasibətlərinə aydınlıq gətirib. Bu görüşdə boksçumuz 3:0(27:30; 27:30; 27:30) hesabı ilə qalib gəlin. Yarımfinala yüksəlməklə bürünc medalı özünə təmin edən boksçumuz finala gedən yolda böyük britaniyalı Coş Kelli ilə üz-üzə gələcək. Qarşılaşma iyunun 26-da saat 13:45-də start götürəcək.
91 kq
Bu çəkidə ölkəmizi təmsil edəcək Abdulqadir Abdullayev 1/4 finalda fransız Pol Bionqolo Omba ilə üz-üzə gəlib. Hər 3 raundda (30:27;
30:27; 30:27) qalib gələn təmsilçimiz ən azı bürünc medalı təmin edib. A.Abdullayev yarımfinalda Sadam Maqomedovla (Rusiya) gücünü yoxlayacaq. Görüş iyunun 26-da 14:30-da keçiriləcək.
Qadınlar
54 kq
Qadın boksçularımızdan ilk olaraq rinqə Anna Əlimərdanova çıxıb. O, 1/4 finalda bolqarıstanlı Stanimira Petrova ilə döyüşüb. Rəqibinə 3:0 hesabı ilə qalib gələn idmançımız yarımfinala yüksəlib. O, finala gedən yolda rusiyalı Yelena Saveleva ilə üz-üzə gələcək. Görüş iyunun 25-i saat 12:00-da başlayacaq.
64 kq
Yığmamızın digər üzvü Yelena Vıstropova yarımfinala gedən yolda Böyük Britaniya təmsilçisi Rayan Sandi ilə münasibətlərinə aydınlıq gətirib.Bu görüşdə britaniyalı idmançı 2:1 (39:36; 40:35; 37:38) hesabı ilə xeyrinə bitirib.
Musanın yubiley qolu
İnyesta Mərakeş millisinə rəhbərlik edəcək?
İki Premyer Liqa klubunun hədəfinə düşdü
"Ayaks"ın yeni hücumçusu matçın 2-ci dəqiqəsində zədələndi
"Atletiko"dan gözlənilməz məğlubiyyət
Ramon Maçadonun qolu, "Araz-Naxçıvan"ın qələbəsi - Video
Baş məşqçidən sonra idman direktoru da klubdan ayrıldı
"Avrokuboklar uğrunda mübarizə aparacağıq" - Saşa İliç
