"Bakı-2015" Avropa Oyunlarının təqdimat mərasiminin İstanbul şəhərində keçirilməsi məqsədilə gənclər və idman naziri Azad Rəhimov Türkiyəyə rəsmi səfərə yola düşüb.
Gənclər və İdman Nazirliyinin mətbuat xidmətindən Trend-ə verilən məlumata görə, İstanbulun Çırağan Sarayında baş tutacaq təqdimat mərasimində "Bakı-2015" Avropa oyunlarına hazırlıq haqqında film nümayiş olunacaq, yarışlarda Avropanın 49 ölkəsindən 6000-dən çox idmançının 20 idman növündə mübarizə aparacaqları barədə məlumatlar veriləcək.
Ölkənin birinci xanımı, Təşkilat Komitəsinin rəhbəri Mehriban Əliyevanın sədrliyi ilə görülən işlər, yarışların keçiriləcəyi məkanlar, istifadəyə verilmiş və hal-hazırda tikilməkdə olan idman qurğuları, 7300 nəfər üçün nəzərdə tutulmuş "Olimpiya kəndi"nin hazırlığı itiqamətində görülən işlər barədə məlumatlar da diqqətə çatdırılacaq.
Azad Rəhimov 2015-ci ildə Bakıda keçiriləcək Avropa Oyunlarının bir il sonra, Rioda gerçəkləşəcək Olimpiya Oyunlarına hazırlıq xarakteri daşıdığını və bir neçə idman növündə lisenziya qazanma istiqamətində xüsusi rol oynadığını diqqətə çatdıracaq. Nazir eyni zamanda, Bakı şəhərinin müxtəlif illərdə bir sıra Avropa və dünya çempionatlarına yüksək səviyyədə ev sahibliyi etdiyini, 22 illik müstəqilliyi dövründə Azərbaycanın 200-dən artıq idmançısı ilə yay və qış Olimpiya oyunlarına qatıldığını, Azərbaycan yığmasının bu günə qədər iştirak etdiyi olimpiadalarda 26, Avropa və dünya çempionatlarında isə 2000-ə yaxın medal qazandığı haqqında məlumatları qonaqlarla bölüşəcək.
Azad Rəhimov öz çıxışında Bakının bir çox beynəlxalq yarışlara ev sahibliyi etdiyini, qısa müddət bundan öncə bədii gimnastika üzrə Avropa çempionatının yüksək səviyyədə şəhərimizdə keçirildiyini, növbəti, 2016-cı ildə ölkəmizdə "Formula 1 Grand Prix" yarışının, şahmat üzrə dünya çempionatının, 2017-ci ildə İslam Həmrəyliyi Oyunlarının baş tutacağı barədə məlumatları da diqqətə çatdıracaq.
"Roma" Dibalanı itirdi
Azərbaycan güləşçisindən bürünc medal - Dünya çempionatı
"Ən yaxşı oyunlarımızdan birini göstərəcəyik" - Kadi
"Benfika"ya qarşı çəkinmədən oynayacağıq" - Qurban Qurbanov
"Şəmkir" 3 xalı 3 qolla qazandı - Video
Dünya çempionu 31 yaşında karyerasını bitirdi
"Şəmkir" 2-ci oyunda da qalib gəldi
"Panatinaikos" Ruy Vitoriyanı istefaya göndərdi
"Benfika"ya qol vuracağımı hiss edirəm" - Leandro Andrade
“Mən sağ və salamatam”
"Qarabağ" və "Neftçi"nin sabiq məşqçisi istefaya göndərildi
1-ci liqada 3-cü turun oyunlarının saatı müəyyənləşdi
Misli Premyer Liqasında 6 oyunun hakimləri açıqlandı
“Benfika”nın baş məşqçisi “Qarabağ”la oyundan danışdı
FİFA-dan yeni qərar
"Qarabağ"la oyunu buraxa bilərlər
"İmişli"nin icraçı direktoru: "Texniki məğlubiyyət alsaq, apellyasiya şikayəti verəcəyik"
"Baş məşqçilik edə biləcəyim yeganə klub "Real"dır"
Levandovski 150-yə çatdı
