"Bu matç Azərbaycanla oyunöncəsi son sınağımız ola bilər"

"Bu matç Azərbaycanla oyunöncəsi son sınağımız ola bilər"
GÜNDƏM 22 May 2014 / 13:57 3010
-  A +

"Futbolçular Kanada yığması ilə tanış deyildilər. Lakin mən rəqibi onlara təqdim etdim. Müdafiədə və hücumda oyunçularıma yeni taktiki gedişlər öyrədirəm. Oyuna qədər tam hazır olmalıyıq. Çünki bu "Avro-2016"nın seçmə mərhələsində qarşılaşacağımız Azərbaycanla oyunöncəsi son sınaq matçımız ola bilər".

Qol.Az-ın məlumatına görə, bu sözləri Bolqarıstan millisinin baş məşqçisi Lyuboslav Penev ölkəsinin mətbuatına açıqlamasında deyib. 

"Avro-2016"nın seçmə mərhələsində millimizin rəqiblərindən olan Bolqarıstan yığmasının çalışdırıcısı komandasındakı problemlərdən danışıb: "Futbolçularda hər şey qaydasındadır. Lakin bir məsələ var ki, onlardan bəziləri mövsümboyu az, bəziləri isə çox oyun keçiriblər. Bu, bizə müəyyən problem yarada bilər. Lakin hər kəs layiq olduğu mövqedə oynayacaq.

Çempionat oyunlarında izlədiyim 22 futbolçudan 15-i legionerdir. Mən onların ölkəmizdə oynamasının əleyhinə deyiləm. Sadəcə, əcnəbi futbolçular bizimkilərdən ikibaş üstün olmalıdırlar. Yığmada ciddi rəqabətin olması vacibdir. Kanada ilə matça ciddi yanaşmayanlar gələcək oyunlarda milliyə çağırılmayacaqlar".

Qeyd edək ki, Bolqarıstan yığması "Avro-2016"nın seçmə mərhələsinin ilk oyunu çərçivəsində sentyabrın 9-da Bakıda millimizin qonağı olacaq.

Daha çox


Son xəbərlər