20:50
Az öncə «Qəbələ» klubundan çıxarılan futbolçuların adları açıqlanıb. Klubun rəsmi saytının məlumatına görə, qapıçı Cahangir Həsənzadə, müdafiəçilər Miliya Jijiç, Elnur Abbasov, yarımmüdafiəçilər Şəhruz Mustafayev, Samir Məmmədov, Asen Nikolov, hücumçular Fərrux İsmayılov və Fərzad Hatəmi transferə çıxarılıblar. Qol.Az-ın məlumatına görə, baş məşqçi Ramiz Məmmədovun "gabalafc.az"a açıqlamasında ilk öncə gedən futbolçulara öz təşəkkürünü bildirib: "Onlar bacardıqları qədər kömək etməyə çalışdılar. Buna görə hər birinə minnətdaram. Lakin müxtəlif səbəblər ucbatından onlarla yollarımızı ayırmağa məcbur olduq. Bəziləri kollektivə uyğunlaşa bilmədilər, bəziləri zədə problemi ilə üzləşdilər. Bir sözlə, qarşılarına qoyulan vəzifəni yerinə yetirə bilmədilər. Onlar heç biri zəif futbolçu deyillər. Sadəcə birgə fəaliyyətimiz səmərəsiz alındı".
Qeyd edək ki, Samir Məmmədov 2006-cı ilin yayında, Şəhruz Mustafayev həmin ilin qışında komandaya gəliblər. Digərləri isə "Qəbələ"yə cari mövsümün əvvəlində transfer olunublar.
Sonda klub rəhbərliyi adından hər bir futbolçuya "Qəbələ"nin şərəfini qoruduğu müddətdə göstərdiyi oyuna görə təşəkkür edib və bundan sonrakı karyeralarında uğurlar arzulayıb.
"Arsenal"dan "Marsel"ə
Kloppdan "Real"a şərt
Qvardiola etiraf etdi
Rafinyadan həyat yoldaşına 60 min avroluq hədiyyə - Şəkil
"Beşiktaş"ın futbolçusu sabiq klubuna qayıtdı
"Atletiko"nun futbolçusu "Qalatasaray"a keçə bilər
"Yuventus" növbəti türkiyəli futbolçunu transfer etdi
"Mançester Yunayted" Kazemiro ilə yollarını ayırır
Millimiz Danimarkaya uduzdu
Dünyanın ən varlı klubları açıqlandı
