21:48
PSJ-nin hücumçusu Zlatan İbrahimoviç 2012/13 mövsümü üçün Fransa çempionatının ən yaxşı oyunçusu seçilib. Qol.Az-ın məlumatına görə, icveçli hücumçunun əsas rəqibləri “Sent-Etyen”dən Pyer-Emerik Ebameyanq, PSJ-dən Tyaqo Silva və Blez Matyudi olub. Amma mütəxəssislər və jurnalislər arasında keçirilən sorğuda İbrahimoviç daha çox səs toplayıb.
Qeyd edək ki, İbrahimoviç Fransa çempionatında bu mövsüm keçirdiyi 33 oyunun 32-də əsas heyətdə meydana çıxıb, 29 qol vurub (4-nü penalti ilə), 6 qolun ötürməsini verib, 9 sarı və 1 qırmızı vərəqə alıb.
