“Neftçi” klubunun müdafiəçisi Elvin Yunuszadənin Qol.Az saytına müsahibəsi
- Premyer Liqanın sonuna bir tur qalmış səfərdə “Qəbələ” ilə qarşılaşdınız və 1:1 hesablı nəticə ilə çempionluğu təmin etdiniz. Bu oyun haqda fikirlərini bilməki istərdik.
- Nəinki son oyunda, bütün çempionat ərzində “Qəbələ” bizə qarşı ciddi hazırlaşıb və yaxşı oyun nümayiş etdirib. Bilirdik ki, bu oyunda da yaxşı motivasiya olunublar. Oyun da çətin keçdi. Ancaq şükürlər olsun ki, istədiyimiz nəticəni qazandıq.
- “Qəbələ”nin qol vurmaq şansları daha çox oldu. Oyun baxımından da “Neftçi”ni üstələdi. Komandanızın nəticəyə oynadığı aydın görünürdü.
- Bəli, nəticəyə oynadıq. Qəbələyə nəticə üçün getmişdik. Əgər hesab çempion olmağımızı təmin edirsə, gözəl oynamağın mənası yoxdur. “Qəbələ”nin qol imkanları çox oldu. Öz meydanlarında oynayırdılar. Oranın havasına da uyğunlaşmaq asan deyildi. Bu amillər hamısı oyuna təsir edir.
- “Neftçi”nin bu mövsümdəki çıxışını necə dəyərləndirirsən?
- Çempionatın əvvəlində Avroliqadakı çıxışlarımıza görə, komandamız bir qədər axsadı. Lazımsız yerlərdə xal itirdik. Hətta autsayder komandalara məğlub olmuşduq. Ancaq sonradan bunların əvəzini çıxdıq. Mövsümün əvvəlində itirdiyimiz xallar bizi çətin vəziyyətə qoya bilərdi. Ancaq Avroliqadan sonra fikrimizi tam çempionata yönəltdik və layiq olduğumuz yerə gəlib çatdıq.
- Çempionlar Liqasında sizi çətin sınaq gözləyir. Komandanız buna hazırdır?
- Bu barədə fikirləşmək bizim üçün tezdir. Hazırda “Xəzər Lənkəran”la kubokun final oyununu düşünürük. Amma keçən il Avroliqanın qrup mərhələsinə bu hazırkı heyətlə düşmüşük. Məncə, futbolçular yaxşı formadadır. Hazırda ölkə kubokunu qazanmaq haqda fikirləşirik. Ondan sonra bu barədə düşünəcəyik.
- Kubokda oyununda şanslarınızı necə görürsən? Həm “Neftçi”, həm də “Xəzər Lənkəran” final haqda iddialı danışır.
- Mənə elə gəlir ki, o şərtlə iddialı olmaq olar ki, ehtiyatı əldən verməyəsən. Bu, final oyunudur. Bir oyundan ibarətdir. Çoxları düşünür ki, “Neftçi” qalib gələcək. Əgər bizi “Xəzər Lənkəran”dan güclü bilirlərsə, bu, bizi qətiyyən arxayınlaşdırmamalıdır. Son dərəcədə məsuliyyətlə yanaşmalıyıq. Məncə, əvvəlcədən kimin şanslı olduğunu demək olmaz.
- “Neftçi” ilə müqavilən nə vaxt başa çatır?
- Hələ iki ilə yaxın müqaviləm var.
- Səudiyyə Ərəbistanını komandasının səninlə maraqlanması xəbəri yayılıb.
- Mənim “Neftçi” ilə müqaviləm davam edir. “Neftçi”yə verdiyim sözə əməl etməliyəm. Tək Ərəbistan klubundan yox, başqa klublardan da təkliflər olub. Amma bu haqda danışmaq istəmirəm. Çünki hələ çempionat bitməyib və “Neftçi”nin oyunçusuyam. Vaxtı gələndə xaricdən gələn təklifləri dəyərləndirmək olar.
Ramiq AĞAMƏMMƏDOV
"Monako" onunla müqaviləni uzatdı
"Yamalın etdikləri adamı qorxudur" - "Real"ın futbolçusu
Millimiz Qazaxıstana uduzdu
"Kəpəz"in "Neftçi" üzərində qələbəsi - Video
Poqba futbola qayıdır
"Neftçi"nin sabiq futbolçusundan tənqid
"Borussiya"da itki
"Neftçi"dəki işimə görə pərişan deyiləm" - Qriqorçuk
"Bundan sonra daha yaxşı oyunlarımız olacaq" - Azər Bağırov
"Kəpəz" "Neftçi"yə 4 qolla qalib gəldi
“Real”da vəziyyət yaxşı görünmür" - Toni Kroos
"Qəbələ"in "Bakı Sportinq" üzərində qələbəsi - Video
1-ci Liqa: "Qəbələ" səfərdə qalib gəldi
"Haaland vəhşidir"
“Kəpəz" - "Neftçi": Heyətlər
Azərbaycan cüdoçusu bürünc medal qazandı
Erik Ten Haqın əvəzləyicisi tapıldı
Ramos "Yuventus"da?
Türkiyə millisinin heyəti müəyyənləşdi
Azərbaycan yığması Avro-2025-ə ilkin mərhələdən başlayacaq
Millimiz UEFA İnkişaf Turnirində son oyununa çıxır
Kökçünün komandasından məğlubiyyət
"Qəbələ"də ayrılıq
Azərbaycan millisinin heyəti açıqlandı
Okan Buruk üzr istədi
Azərbaycan millisi Türkiyəyə qarşı
"Beşiktaş"ın "Ayntraxt"a məğlubiyyəti - Video
Azərbaycan UEFA reytinqində gerilədi
"Qalatasaray" 1 xalı belə qazandı - Video