18:45
“Qarabağ” klubunun kapitanı Rəşad Sadıqovun Qol.Az saytına müsahibəsi
- Bu gün Topaz Premyer Liqanın final mərhələsində Simurq”la qarşılaşacaqsınız. Oyun haqda fikirlərini bölüşərdin.
- İlk “altılığ”ın birinci oyununa çıxacağıq. Neçə vaxtdır ki, sıx qrafiklə oynayırıq. Ona görə elə də güclü hazırlıq keçmirik. Xüsusi taktiki məşqlər edirik. Zaqatala səfəri bütün komandalara çətin olub. Bilirik ki, bizi də ağır oyun gözləyir. “Simurq” hazırda yaxşı formadadır. Həm də kubokdan kənarlaşıblar. Ona görə də bütün qüvvələrini çempionat oyununa qoyacaqlar.
- Ancaq “Simurq” son vaxtlar uğurlu çıxış etmir.
- Axır vaxtlar qalib gəlməsələr də, əsas oyundur. Oyuna baxanda görürük ki, “Simurq” yaxşı təsir bağışlayır. “Neftçi” ilə hər iki oyunda çox yaxşı oynadılar. Kubok görüşündə “Neftçi” “Simurq”un qapısına 120 dəqiqə yol tapmadı. Bu da komandanın gücündən xəbər verir. Gərək rəqibi düzgün qiymətləndirək . Son oyunda hansısa komandaya uduzduqlarına arxayın olsaq, bizə baha başa gələr.
- “İnter”lə oyunda heç-heçəni pis nəticə saymadınız. Bu oyunda necə, bərabərlik qeydə alınsa, nəticədən razı qalacaqsınız?
- “Altılıq”da qazanılan hər bir xal çox dəyərlidir. Qələbə qazanmağa çalışacağıq. Ancaq əsas məqsədimiz məğlub olmamaqdır. “Simurq” hazırda üçüncü yer üçün rəqibimizdir. Üç xal fərqimiz var. “Neftçi” ilə “İnter”ə də çatmalıyıq. Ona görə də qələbə naminə əlimizdən gələni edəcəyik və ehtiyatımızı da əldən verməyəcəyik.
- Dünən Topaz Premyer Liqada fevral ayının ən yaxşı oyunçusu və qolu seçildi. Bu seçimlərdən razı qaldın, yoxsa sənin başqa namizədin var idi?
- Fevralın ən yaxşı oyunçusu Kanales seçildi. Məncə, düzgün seçimdi. Çünki sabit oyunçudur. Daimakomandası üçün vacib qollar vurur. Çempionatda rəqib qapılarından 20 qol keçirib. Seçimdə də bunu nəzərə alıblar.
- Bəs, beş qoldan hansı daha yaxşı idi?
- Asif Məmmədov və Rəşad Sadiqovun qollarını bəyənirdim. Elə Asif Məmmədovun qolu seçildi.
Ramiq AĞAMƏMMƏDOV
Ağstafadakı bərabərlik - Video
"Milan" ayrılığı açıqladı
"Real" Endriki icarəyə verdi
"Mançester Yunayted"in 7 hədəfi
İlin ən yaxşısı seçildi
Göygöldəki 7 qol - Video
"Milan" 18 yaşlı hücumçu transfer etdi
Stankoviçin təyinatı açıqlandı
2-ci liqada ilin son oyunları keçirildi
“Zəfər” Liqasında qalib müəyyənləşdi
"Qarabağ" seneqallı hücumçu üçün təklif göndərib
"Neftçi"də səbrlə gözləmək adəti yoxdur" - Qriqorçuk
