19.12.25
“Xəzər Lənkəran”dakı çıxışları ilə tanınan, eyni zamanda “İnter” və “Simurq”un da formasını geyinmiş Mario Souza Qol.Az-a müsahibə verib.
“İNTER” VƏ “SİMURQ” MƏNİM ÜRƏYİMCƏ DEYİLDİ”
- Azərbaycanda üç fərqli klubun şərəfini qorudun: “Xəzər Lənkəran”, “İnter” və “Simurq”. Lənkəran klubundan fərqli olaraq, “İnter” və “Simurq”da oyunun alınmadı. Bunun səbəbini necə izah edərdin?
- Bu klublar mənim ürəyimcə deyildi. Daha doğrusu, mənə uyğun komandalar deyildi. Onların oyunlarında atmosfer, ajiotaj, azarkeş çatışmırdı. Axı azarkeşsiz futbol olmur. Futbolu azarkeşlər üçün oynayırlar. “İnter” və “Simurq”dan başqa oynadığım bütün klublarda azarkeş kütləsi olub. Komandanın uğur qazanması üçün azarkeş kütləsi vacibdi. Futbolçular da azarkeşə görə oynayırlar. Lakin yendə də “İnter” və “Simurq”da oynamaq mənim üçün böyük təcrübə oldu. Heç vaxt atdığım addıma görə təəssüflənmirəm.
- “İnter”də olarkən baş məşqçi Kaxaber Sxadadze ilə münasibətlərinin yaxşı olmadığı deyilirdi. Bu, həqiqətən də belə idi?
- Yox, belə bir şey yox idi. Kaxaber Sxadadze çox yaxşı və güclü məşqçidir. Münasibətimiz də normal idi. Oynamamağımın səbəbi baş məşqçi ilə bağlı deyildi. Sadəcə, süni örtükdə oynamağa öyrəşməmişəm. Düzdür, “Xəzər Lənkəran”ın heyətində olarkən səfər matçlarında bəzən süni örtükdə oynayırdıq. Ancaq bu, daimi deyildi. Lənkəranda təbii örtüklü gözəl meydança var idi və orda məşq edirdik. “İnter”də isə süni örtükdə məşq edib oynayırdıq və bu, mənə ağır gəlirdi. Ümumiyyətlə, süni örtükdə oynamaq mənim üçün çox stressli idi və qorxulu yuxu kimi gəlirdi. Fikir vermisinizsə, heç bir futbolçu süni örtükdə adi sürüşmə fənni eləməyə də ürək eləmir.
“FUTBOLU BİRDƏFƏLİK ATMIŞAM”
- Hazırda nə işlə məşğulsan?
- “Simurq”da oynayanda zədələndim və futbolu birdəfəlik atmaq qərarına gəldim. Çünki zədə diz qapağında idi, mənim də 34 yaşım var. Hazırda bir şirkətimə rəhbərik edirəm. Klubların prezidenti ilə əlaqəm yaxşıdır, futbolçuları Avropa və dünyanın müxtəlif ölkələrinə göndəririk. Bir sözlə, vətənim Braziliyada menecerliklə məşğulam.
“XƏZƏR LƏNKƏRAN”DA MƏŞQÇİ OLMAQ İSTƏYİRƏM”
- Azərbaycandakı azarkeşlərə bu dəfəlik son sözün...
- Lənkəran azarkeşləri başda olmaqla Azərbaycanın bütün futbolsevərlərinə salam göndərirəm. Lənkəran azarkeşlərinin və camaatının gözəlliyini sözlə ifadə etmək mümkün deyil. Onlarla hər zaman yaxşı münasibətdə olan futbolçulardan olmuşam. Məni sevirdilər və mən də vurduğum qollarla onlara sevinc bəxş edirdim. Həyatımın və karyeramının ən gözəl illəri “Xəzər Lənkəran”la bağlıdır. “Neftçi”, “Qarabağ” kimi köklü klubları da yaddan çıxarmaq olmaz. “Qəbələ” də öz şəraitinə görə, diqqət mərkəzindədir. Sonda onu deyim ki, “Xəzər Lənkəran”a məşqçi kimi qayıdacağım günü səbirsizliklə gözləyirəm.
Anar XANLAROV
Salah üzr istəyib
"Şəfa" 3 xalı tək qolla qazandı - Video
“Liverpul”un futbolçusu “Qızıl top”u qazandı
4 penalti dəf edən qapıçının qolu sındı
Çexiya millisinin yeni baş məşqçisi açıqlandı
“Şəfa” “Cəbrayıl”a qalib gəldi
4 gün əvvəl ayrıldığı kluba qayıtdı
Anri mükafatlandırıldı
“Turan Tovuz” “Kəpəz”ə belə qalib gəldi - Video
"İstəməzdik bu gün belə olsun" - Azər Bağırov
"Qarabağ"dan zədəli futbolçularla bağlı açıqlama
Azərbaycanda FİFA referilərinin sayı artdı
"Turan Tovuz" "Kəpəz"ə qalib gəldi
"Şəki Siti"yə texniki məğlubiyyət verildi
AFFA "Qarabağ"ı 10 min cərimələdi
"Qarabağ"ın rəqibi ilk qış transferini reallaşdırdı
Azərbaycanın yeni Deflimpiya dövrü
"Kəpəz" - "Turan Tovuz": Heyətlər açıqlandı
Tanınmış məşqçi vəfat etdi
Millimizin sabiq üzvü Estoniya klubunda
Bikalyo "Sabah"la oyun haqda - "Dözümlülük çatmadı"
UEFA-dan AFFA-ya məktub
Azərbaycan UEFA reytinqində gerilədi
Zlatan İbrahimoviçin oğlu ilk peşəkar müqaviləsini imzaladı
“Napoli” “Milan”a qalib gəlib finala yüksəldi - Video
Konfrans Liqası: 1/8 finalçılar və pley-offçular
Konfrans Liqasında Liqa mərhələsi yekunlaşdı
Misli Premyer Liqasında həftənin hakimləri açıqlandı
"Sabah"ı lider edən qələbə - Video
"Rəqiblər bizə fərqli yanaşır, qarşımızı almaq üçün əllərindən gələni edirlər" - Valdas Dambrauskas
10 dəqiqəyə 3 qol vuraraq qalib oldular
"Fənərbaxça"dan Con Durana xəbərdarlıq gəldi
