19.12.25
“Xəzər Lənkəran” klubunun baş məşqçisi Yunis Hüseynovun Qol.Az saytına müsahibəsi
"TƏKİ QARA GÜNLƏR GERİDƏ QALSIN"
- Hazırda komandanızda vəziyyət necədir?
- Şükürlər olsun ki, yaxşıdır. Zədəli futbolçularımız yoxdur. Bir neçə futbolçumuz millinin toplanışındadır. Biz isə sabahdan məşqlərə başlayırıq. Hazırlığımız Xırdalan stadionunda baş tutacaq. İki gün orada məşq edib oktyabrın 11-də Lənkərana qayıdacağıq.
- AZAL üzərində qələbədən sonra komanda özünə gəlibmi, yoxsa problemlər hələ də qalır?
- Təki qara günlər geridə qalsın. Bilirsiniz ki, “Xəzər Lənkəran” üçün bu qələbə həddindən artıq vacib idi. Bu, futbolçularımızın özünə inamının artmasına çox kömək göstərdi. Doğrusu, biz digər qarşılaşmalarda da məğlub olmamalıyıdq. Sadəcə, həmin oyunlarda futbolçular meydana bir az arxayın çıxdı, bəzi səhvlərimiz də oldu. İnanıram ki, bundan sonra daha yaxşı çıxış edəcəklər. Lakin AZAL üzərindəki qələbədən sonra heç cürə arxayınlaşmaq olmaz. Bütün matçlara axırıncı oyun kimi çıxmaq lazımdır.
- Klubun heyətində köməkçi məşqçilər istefaya göndərildi. Yeni məşqçilərin gəlişi nə vaxt olacaq?
- Hələ ki, heç bir məşqçi gəlməyib. Hazırda ispaniyalı Erik Roketa, Emin Quliyev və Hafiz müəllimlə çalışırıq. Yenilərin gəlişi barədə hələ dəqiq bir şey yoxdur. Yəqin ki, qışa qədər olmayacaq.
"MƏNİM KAMRANLA MÜNASİBƏTİM HEÇ VAXT PİS OLMAYIB"
- AFFA prezidenti Rövnəq Abdullayev Kamran Ağayevin bağışlanması xahişi ilə klubunuzun sahibi Mübariz Mənsimova müraciət edib. Bununla bağlı sizin fikriniz necədir?
- Klubun rəhbərliyi Kamran Ağayevi bağışlayıb. Yəqin ki, mən də onu bağışlayacağam.
- Onun qayıdışı komandada problemləri yoluna qoya bilərmi?
- Kamran yaxşı qapçıdır. Milli komandanın da şərəfini qoruyur. Ancaq heyətimizdə Orxan Sadıqlı və Kamal Bayramov da özlərini yaxşı tərəfdən göstəriblər. Çalışacağıq ki, klub üçün hər şey yaxşı olsun.
- Kamranla münasibətləriniz düzəlibmi?
- Bizim münasibətlərimiz pis olmayıb ki, sonra da düzəlsin.
- Amma klub onu transferə çıxaranda aranızda inciklik yaranmışdı. Ümumiyyətlə, özüylə görüşüb söhbət etmisiniz?
- Heç bir problemimiz olmayıb. Özüylə görüşməmişəm. Çünki hazırda milli komandanın təlim-məşq toplanışındadır. Yəqin ki, gələn kimi söhbət edəcəyik. Bundan sonra komandanın heyətinə qoşulacaq.
- Belə məlumatlar yayılıb ki, klubun daxilində qruplaşmalar var.
- Xeyr, bunlar boş söhbətlərdir. Mən olan yerdə qruplaşma ola bilməz.
Əli HƏYATİ
Salah üzr istəyib
"Şəfa" 3 xalı tək qolla qazandı - Video
“Liverpul”un futbolçusu “Qızıl top”u qazandı
4 penalti dəf edən qapıçının qolu sındı
Çexiya millisinin yeni baş məşqçisi açıqlandı
“Şəfa” “Cəbrayıl”a qalib gəldi
4 gün əvvəl ayrıldığı kluba qayıtdı
Anri mükafatlandırıldı
“Turan Tovuz” “Kəpəz”ə belə qalib gəldi - Video
"İstəməzdik bu gün belə olsun" - Azər Bağırov
"Qarabağ"dan zədəli futbolçularla bağlı açıqlama
Azərbaycanda FİFA referilərinin sayı artdı
"Turan Tovuz" "Kəpəz"ə qalib gəldi
"Şəki Siti"yə texniki məğlubiyyət verildi
AFFA "Qarabağ"ı 10 min cərimələdi
"Qarabağ"ın rəqibi ilk qış transferini reallaşdırdı
Azərbaycanın yeni Deflimpiya dövrü
"Kəpəz" - "Turan Tovuz": Heyətlər açıqlandı
Tanınmış məşqçi vəfat etdi
Millimizin sabiq üzvü Estoniya klubunda
Bikalyo "Sabah"la oyun haqda - "Dözümlülük çatmadı"
UEFA-dan AFFA-ya məktub
Azərbaycan UEFA reytinqində gerilədi
Zlatan İbrahimoviçin oğlu ilk peşəkar müqaviləsini imzaladı
“Napoli” “Milan”a qalib gəlib finala yüksəldi - Video
Konfrans Liqası: 1/8 finalçılar və pley-offçular
Konfrans Liqasında Liqa mərhələsi yekunlaşdı
Misli Premyer Liqasında həftənin hakimləri açıqlandı
"Sabah"ı lider edən qələbə - Video
"Rəqiblər bizə fərqli yanaşır, qarşımızı almaq üçün əllərindən gələni edirlər" - Valdas Dambrauskas
10 dəqiqəyə 3 qol vuraraq qalib oldular
"Fənərbaxça"dan Con Durana xəbərdarlıq gəldi
