19:52
Mayın 23-də keçiriləcək ölkə kubokunun finalında 2 deyil, eyni zamanda 3 komandanın taleyi həll olunacaq. Çünki həlledici qarşılaşma təkcə finalın iştirakçıları “Qarabağ” və “İnter” üçün yox, eləcə də “Xəzər-Lənkəran” üçün böyük əhəmiyyət kəsb edir. Əgər kuboku “İnter” qazansa, Avroliqaya üçüncü vəsiqənin sahibi “Xəzər-Lənkəran” olacaq. Kuboku başı üzərinə qaldıra biləcəyi halda isə “Qarabağ” ölkəmizi qitəmiqyaslı yarışlarda təmsil etmək hüququna yiyələnəcək.
Digər tərəfdən, “İnter” də finala ciddi yanaşır. Çünki “bankirlər” “Qarabağ”dan həm çempionat oyunundakı xal itkisinin qisasını almaq, həm də Avroliqaya ikinci mərhələdən başlamaq istəyirlər. Xatırladaq ki, reqlamentə əsasən, ölkə kubokunun sahibi Avroliqada mübarizəyə birinci deyil, ikinci mərhələdən başlayır.
Qol.Az-ın etibarlı mənbədən əldə etdiyimiz məlumata görə, “İnter” rəhbərliyi artıq final qarşılaşması üçün 6 min bilet sifariş edib. Bəlkə də bu rəqəm çox görünə bilər. Çünki çempionat oyunlarında demək olar ki, heç vaxt “bankirlər”i bu qədər azarkeş dəstəkləməyib. Lakin məsələnin digər tərəfi var. Qol.Az-ın əldə etdiyi digər məlumata görə, kubokun final matçında “İnter”i təkcə öz azarkeşləri deyil, eləcə də “Xəzər-Lənkəran”ın fanatları dəstəkləyəcəklər. Məlumdur ki, «İnter» «Qarabağ»a qalib gələcəyi halda, «Xəzər-Lənkəran» Avroliqada oynamaq hüququ əldə edəcək. Bu səbəbdən Lənkərandan 30 avtobus azarkeşin oyun günü Bakıya gələcəyi və “İnter”ə azarkeşlik edəcəyi gözlənilir. Bu isə o deməkdir ki, final qarşılaşmasında “Qarabağ”ın azarkeş baxımından rəqibinə uduzmaq təhlükəsi var. Əldə etdiyimiz başqa bir məlumata görə, buna görə də “Qarabağ” rəsmiləri adekvat addım atmaq fikrindədirlər. Artıq klub rəsmiləri “Qarabağ”ın sadiq azarkeşlərini, komandanın təmsil etdiyi doğma Ağdam rayonunun sakinlərini final matçına daha kütləvi şəkildə cəlb etmək üçün hərəkətə keçiblər.
_22.01.19.jpg)
300-cü oyun
Heyf “Neftçi”yə…
"Bir xala görə məmnunuq" - Krunoslav Renduliç
"Komandam xarakter göstərdi" - Kurban Berdıyev
"Sabah" - "Turan Tovuz" oyununda vurulan qollar - Video
"Barselona"dan böyükhesablı qələbə
"Zirə" "Neftçi"yə belə qalib gəldi - Video
"Sabah" - "Turan Tovuz": Heyətlər açıqlandı
London derbisində qonaqlar qalib gəldi
"Real" Karvahalla müqaviləni uzadacaq
Klod Makelelenin yeni iş yeri bilindi
"Zirə" - "Neftçi": Heyətlər
Formula 1 Azərbaycan Qran-Prisinin qalibi müəyyənləşdi
